web counter
LEXO PA REKLAMA!

SHKARKO APP

App Store
Google Play

Prokuroria italiane kërkon 21 vite burg për trafikanin shqiptar të drogës

2023-12-29 09:13:00, Kronika CNA
Prokuroria italiane kërkon 21 vite burg për trafikanin shqiptar
Elvis Demçe

Prokuroria e Romës ka kërkuar dënimin me 21 vite burg për trafikantin shqiptar të drogës Elvis Demçe, i akuzuar bashkë më katër persona të tjerë për tentativën e vrasjes së Alessio Marzanit në 22 tetor 2020, i cili mbeti i plagosur.

Prokurorët Mario Palazzi dhe Francesco Cascini kërkuan gjithashtu një dënim me 21 vjet për Daniele Gallarello, 18 vjet për Alessandro Corvesi, 35 vjet me të kaluar si futbollist profesionist dhe 14 vjet për Matteo Costacurta, me origjinë fisnike dhe për këtë arsye të quajtur Princi'. 

8 vite u kërkuan edhe për Marzanin, i akuzuar për zhvatje.

“Është një grup me një profil me kapacitet shumë të lartë kriminal dhe rrezikshmëri shoqërore”, tha prokurori Palazzi në sallën e gjyqit.

“Nuk ka nevojë të bëjë krime për arsye ekonomike, ka para dhe familje të mirë, nuk është i mjerë nga periferia, mund të bëjë një jetë të mirë, dhe përkundrazi ai bën krime për qejf", u shpreh më tej prokurori. 

Demçe, i lidhur në të kaluarën me Fabrizio Piscitelli, alias Diabolik , lideri i Lazio Irriducibili i vrarë më 7 gusht 2019 në Parco degli Acquedotti, u arrestua së bashku me Costacurta dhe Corvesi në korrik të vitit të kaluar nga karabinierët e njësisë hetimore Ostia për plagosja e Marzanit.

Deshifrimi i disa bisedave të koduara me sistemin 'Sky-Ecc' dhe të përfshira në një server në territorin francez ishte thelbësor për hetimet nga ushtarët karabinierë, të koordinuara nga drejtoria e qarkut antimafia të Romës./CNA 

 

 





Lajmet e fundit nga