web counter
LEXO PA REKLAMA!

SHKARKO APP

App Store
Google Play

Iu merrte para emigrantëve me premtimin se do t’i transportonte në Itali/ 35-vjeçarja përfundon në pranga

2026-02-15 12:13:00, Kronika CNA

Iu merrte para emigrantëve me premtimin se do t’i transportonte

Një 35-vjeçare që ndihmonte emigrantë të paligjshëm që synonin të kalonin ilegalisht në shtetet e BE-së, është arrestuar në kuadër të operacionit të koduar “Relay”.

Në pranga është vënë shtetasja E. Ç. Dyshohet se 35-vjeçarja  iu ka marrë emigrantëve, nga 2500 euro, me premtimin se do t’i transportonte në Itali.

Ndërkohë është sekuestruar edhe automjeti tip “BMË” me të cilin transportoheshin emigrantët.

Njoftimi i policisë:

Tiranë/Finalizohet faza e shtatë e operacionit të koduar “Relay”.

Arrestohet një 35-vjeçare që transportonte emigrantë që synonin të kalonin ilegalisht në shtetet e BE-së.

35-vjeçarja, dyshohet se iu ka marrë emigrantëve, nga 2500 euro, me premtimin se do t’i transportonte në Itali.

Sekuestrohet automjeti tip “BMË” me të cilin transportoheshin emigrantët.

Si rezultat i një informacioni të marrë për një shtetase e cila do të transportonte disa emigrantë, ilegalisht dhe kundrejt pagesave, në shtete të BE-së, specialistët e Seksionit për Hetimin e Trafiqeve në bashkëpunim me DVP Lezhë, finalizuan operacionin e koduar “Relay 7”.

Gjatë operacionit u vu në pranga shtetasja E. Ç., 35 vjeçe, banuese në Rrogozhinë.

35-vjeçarja u kap në flagrancë, në afërsi të Lezhës, teksa transportonte 5 emigrantë, të cilët i kishte marrë në Vorë.

Ndërkaq, nga hetimi dyshohet se 35-vjeçarja iu ka marrë secilit prej emigrantëve, 2500 euro, me premtimin se do të mundësonte transportimin ilegal të tyre, në Itali.

Në bashkëpunim me Prokurorinë, vijon hetimi për të identifikuar dhe për të nxjerrë përpara përgjegjësisë penale, shtetas të tjerë që mund të jenë përfshirë në këtë rast.

Materialet procedurale iu referuan Prokurorisë së Tiranës, për veprime të mëtejshme. /CNA





Lajmet e fundit nga