web counter
LEXO PA REKLAMA!

SHKARKO APP

App Store
Google Play

Detaje nga aksidenti i rëndë/ Mes 8 të plagosurve, edhe dy fëmijë të mitur

2022-08-12 22:00:00, Kronika CNA
Detaje nga aksidenti i rëndë/ Mes 8 të plagosurve, edhe dy
Foto nga vendngjarja

Policia ka zbardhur detaje nga aksidenti i rëndë që u regjistrua mbrëmjen e sotme në aksin rrugor Tepelenë-Mallakastër, në fshatin Malas.

Blutë konfirmojnë se nga përplasja e makinave tip “Benz” dhe “Renault” kanë mbetur të plagosur 8 persona.

Konkretisht janë plagosur dy shoferët dhe 6 pasagjerë, dy prej të cilëve janë fëmijë të mitur.

Blutë bëjnë me dije se pasagjerët e plagosur janë të moshave 2, 3, 23, 25, 30 dhe 31 vjeç. Ata janë dërguar në spitalin e Fierit dhe po marrin mjekimin e duhur.

“Sot, rreth orës 20:15, në aksin rrugor Tepelenë-Mallakastër, në fshatin Malas, shtetasi E. Gj., 36 vjeç, duke drejtuar automjetin tip “Benz” është përplasur me automjetin tip “Renault” me drejtues shtetasin D. L., 32 vjeç.

Si pasojë e përplasjes janë dëmtuar dy drejtuesit e automjeteve dhe gjashtë pasagjerët, A. Gj., 25 vjeçe, A. Gj., 23 vjeçe, dy fëmijë të mitur 2 vjeç dhe 3 vjeç(pasagjerët e automjetit tip “Benz”); K. M., 30 vjeçe, C. R., 31 vjeç, (pasagjerët e automjetit tip “Renault”), të cilët ndodhen në spitalin e Fierit nën kujdesin e mjekëve”, thuhet në njoftimin e policisë.

Ndërkaq, grupi hetimor po punon për zbardhjen e shkaqeve të aksidentit./ B.A. – CNA.al





19:41 CRIME

U bllokuan në

Dy turistë francezë kanë mbetur të bllokuar në "Kanion...

Lajmet e fundit nga