web counter
LEXO PA REKLAMA!

SHKARKO APP

App Store
Google Play

E fundit!

x

Sicilia shpall gjendjen e jashtëzakonshme për shkak të thatësirës

2024-03-01 10:22:00, Kosova & Bota CNA

Sicilia shpall gjendjen e jashtëzakonshme për shkak të

Në Sicili është shpallur gjendja e jashtëzakonshme, pasi rajoni përjeton thatësirën më të madhe në gati 20 vjet. Ekspertët thonë se ky rast mund të jetë kriza e tretë më e rëndë e ujit e regjistruar ndonjëherë. 

Efektet e thatësirës në sektorin e bujqësisë janë serioze, ku mungesa e shiut ndikon në prodhimin e drithërave dhe frutave.

Në fillim të shkurtit, kreu i rajonit të Sicilisë Renato Schifani e shpalli thatësirën një fatkeqësi natyrore.

"Sicilia është i vetmi rajon në Itali dhe ndër të paktët në Evropë në një zonë të kuqe për shkak të mungesës së burimeve ujore. Maroku dhe Algjeria janë në të njëjtën situatë," thuhet në një deklaratë të dërguar nga qeveria rajonale. 

Fermerët dhe mbarështuesit po luftojnë veçanërisht me periudhën e thatësisë, pasi janë prekur tashmë nga moti i ashpër në vitin 2023.

Në përgjigje, qeveria e Schifani-t ka emëruar si komisioner Dario Cartabellotta, menaxher i përgjithshëm i departamentit të Bujqësisë. 

Mandati i Cartabellota-s do të jetë të përmirësojë procedurat për t'iu përgjigjur thatësirës, ??të mbështesë shpenzimet e transportit, të mbikëqyrë përjashtimin e pagesave të qirasë për zonat e kullotave publike dhe disbursimin e një kontributi fillestar prej 5 milionë eurosh për fermat për blerjen e foragjereve dhe furnizimit me ujë./CNA 





Lajmet e fundit nga