web counter
LEXO PA REKLAMA!

SHKARKO APP

App Store
Google Play

Ka drejtuar Dhomën e Përfaqësuesve të SHBA për gati dy dekada/ Tërhiqet Nancy Pelosi

2022-11-17 19:12:00, Kosova & Bota CNA
Ka drejtuar Dhomën e Përfaqësuesve të SHBA për gati dy
Nancy Pelosi

Nancy Pelosi, e cila ka udhëhequr demokratët në Dhomën e Përfaqësuesve të SHBA për gati dy dekada, ka njoftuar se do të largohet nga ky post.

Vendimin e  ka bërë të ditur vetë Pelosi me një fjalim të mbajtur në Dhomën e Përfaqësuesve.

“Nuk do ta kisha menduar kurrë se një ditë do të shkoja nga zonja e shtëpisë në kryetare të Dhomës së Përfaqësuesve.

Unë nuk do të kërkoj rizgjedhje në udhëheqjen demokrate në Kongresin e ardhshëm. Ka ardhur ora që një brez i ri të udhëheqë grupin demokratik", tha ajo.

82-vjeçarja është demokratja më e fuqishme në Kongres dhe gruaja e parë që ka shërbyer si kryetare e Dhomës. Ajo do të vazhdojë të përfaqësojë distriktin e saj në Kaliforni në dhomën e ulët të Kongresit, raporton BBC.

Tërheqja e saj vjen pasi republikanët parashikohet të rimarrin kontrollin e Dhomës së Përfaqësuesve pas zgjedhjeve afatmesme.

Republikani Kevin McCarthy ka fituar nominimin e partisë për të qenë kryetar në Kongresin e ri dhe ka të ngjarë të pasojë Pelosin si kryetar.

Pelosi do të shërbejë si kryetare deri në janar, kur Kongresi i ri të marrë drejtimin dhe do të qëndrojë në vendin e kongresit që mori për herë të parë në 1987 deri në janar 2025.

Kongresmeni i Nju Jorkut, Hakeem Jeffries, pritet të marrë postin e lartë drejtues demokrat në Dhomën e Përfaqësuesve, gjë që do ta bënte atë udhëheqësin e parë të pakicës me ngjyrë në historinë e SHBA./ B.A. – CNA.al





Lajmet e fundit nga