web counter
LEXO PA REKLAMA!

SHKARKO APP

App Store
Google Play

Studimi: Sistemi i arsimit në Malin e Zi, alarm serioz për shtetin

2022-11-16 20:37:31, Kosova & Bota CNA
Studimi: Sistemi i arsimit në Malin e Zi, alarm serioz për shtetin
Foto ilustruese

Një analizë e arsimit në Malin e Zi, e kryer nga UNICEF dhe Ministria e Arsimit, paraqet një pamje të zymtë, duke vënë në dukje një "rënie të dukshme të cilësisë së njohurive, me një rezultat dekurajues, ku gjysma e nxënësve cilësohen si analfabetë funksionalë.”

Autorët e analizës paralajmërojnë se gjendja e arsimit është "një alarm serioz për shtetin".

“Fakti që testet ndërkombëtare tregojnë se 40 për qind e nxënësve kanë treguar një nivel minimal të kompetencës, edhe pse kanë marrë pjesë në procesin arsimor, se gjysma e nxënësve janë analfabetë funksionalë, që do të thotë, se nuk janë në gjendje të riprodhojnë materialin që lexojnë,” thuhet në analizë.

Analiza po ashtu tregon se “arsimi ka nevojë për një lloj tjetër shkolle dhe mësimdhënësish, jo vetëm për shkak të rezultateve të këqija të vazhdueshme të testit PISA, por sepse çdo qeveri është përgjegjëse për ofrimin e kurseve dhe mësuesve më të mirë për fëmijët dhe të rinjtë”.

Sipas analizës, megjithëse pandemia e COVID-19 goditi papritur dhe rëndë sektorin e arsimit, sistemi arsimor nuk është angazhuar sa duhet për të kompensuar humbjen e mësimit.

Studimi thekson se me një planifikim të mirë të masave dhe qëndrueshmëri financiare, do të vendoseshin bazat për një përgjigje të fortë ndaj të gjitha sfidave ekzistuese dhe të së ardhmes të sistemit arsimor të Malit të Zi./ VOA





Lajmet e fundit nga