web counter
LEXO PA REKLAMA!

SHKARKO APP

App Store
Google Play

Ekipi kosovar i kërkim-shpëtimit nxjerr nga rrënojat një 3-vjeçare në Turqi

2023-02-14 20:00:00, Kosova & Bota CNA

Ekipi kosovar i kërkim-shpëtimit nxjerr nga rrënojat një

Shpëtimtarët nga Shoqata e Kosovës për Kërkim dhe Shpëtim njoftuan se kanë arritur që të shpëtojnë një vajzë 3-vjeçare, që ishte bllokuar nën rrënoja në Hataj të Turqisë.

Nga tërmetet e fuqishme më 6 shkurt në Turqi dhe Siri, mbi 35.000 persona kanë vdekur.

Pavarësisht se ka kaluar kohë e gjatë që nga tërmetet, ekipet e shpëtimit ende po nxjerrin persona të gjallë nga rrënojat e ndërtesave të shembura.

Shoqata e Kosovës për Kërkim dhe Shpëtim po ashtu një ditë më parë ka ndihmuar në shpëtimin e një 26-vjeçareje në Hataj.

Përveç pjesëtarëve të kësaj shoqate, në Turqi është edhe një kontingjent i Forcës së Sigurisë së Kosovës.

Ky kontingjent përbëhet nga specialistët e kërkim-shpëtimit urban, personel mjekësor ushtarak dhe qen të kërkim-shpëtimit.

Pjesëtarët e FSK-së deri më tani kanë arritur të shpëtojnë katër persona, që kishin qenë të bllokuar nën rrënojat e ndërtesave të shembura në Turqi.

Pas tërmeteve prej 7.8 ballësh dhe 7.5 ballësh – që u përcollën edhe me goditje të tjera të fuqishme – në Turqi mbi 70 shtete nga e mbarë bota kanë dërguar ekipe të kërkim-shpëtimit./ REL





Lajmet e fundit nga