“Pjesë e grupit të zjarrit me 21 janar”/ Basha tallet rrugëve të Evropës duke bërë foto

2023-01-26 11:20:00, Editorial CNA

“Pjesë e grupit të zjarrit me 21 janar”/ Basha tallet

Provat e reja për 21 janarin, implikojnë edhe Lulzim Basha, ish-Ministër i Brendshëm në vitin 2011, kohë kur ka ndodhur ngjarja.

Provat e reja tregojnë se ka pasur urdhër për të qëlluar direkt mbi trupat e protestuesve.

Kodi është “gati për zjarr”, ndërsa në një moment të dytë në radio flet edhe ish-ministri i Brendshëm, Lulzim Basha.

“Basha di mbi 21 janarin”/ Artan Hoxha: Duhet të mbajë përgjegjësi ai që merr jetë të pafajshme
26 Janar, 09:58

Ky i fundit rezulton pjesë e grupit të zjarrit, siç del tek audio regjistrimi, që tashmë është në duar të Prokurorisë së Tiranës.

Ndaj Lulzim Bashës së fundmi janë dorëzuar dy kallëzime penale në SPAK, nga socialistët.

Socialistët nuk ndalen për "21 janarin"/ “Tërmeti”, thirrje SPAK-ut: Kush e dha urdhrin për të hapur zjarr
25 Janar, 10:20

Nga ana tjetër humbësi serial, “tradhëtari” dhe i “pabesi” siç e quajnë demokratët, ende nuk ka dalë me një qëndrim.

Është e njohur procedura që ndjek Lulzim Basha kur përfundon në organin e akuzës, duke iu referuar rasteve të mëparshme kur ai është hetuar.

“21 janari” brenda javës “shkon” në SPAK/ Ngushtohet rrethi i Lulzim Bashës
23 Janar, 11:52

Lulzim Basha, dyshohet se me veprimet dhe mosveprimet e tij, ka sjellë si pasojë vrasjen e katër protestuesve në 21 Janar, por asnjëherë nuk ka dhënë llogari.

Ndërkohë që duhej të sqaronte pozicionin e tij në lidhje me grupin e zjarrit, ai shfaqet rrugëve të Evropës, duke bërë selfie, korridor më korridor dhe duke u hequr sikur po takon miqtë e tij evropianë.

Ai është shfaqur në Këshillin e Evropës me një buzëqeshje mashtruese në fytyrë duke folur për Kosovën, e duke u hequr si një diplomat e politikan madh.

Ndërkohë që faktet e rrëzojnë, aq sa mos të ngrihet më.

Ai mund të hiqet si politikan por i dështuar, i mbaruar, që e zhyti thellë e më thellë në humbje Partinë Demokratike, që dhunoi demokratët me tetë janar 2021 dhe nuk i la të hynin në shtëpinë e tyre, në selinë e PD-së dhe më pas u zhduk si burracak, për të bredhur rrugëve të Evropës.

Përveçse dështimeve politike, mbi të rëndojnë edhe ngjarje të rënda si ajo e 21 janarit, ku mbetën të vrarë katër persona në bulevard.

Sot, kur ka prova të reja, ku përmendet edhe Lulzim Basha, ai shfaqet duke duke u qeshur, rrugëve të Evropës.

Pasi u tall me demokratët, tashmë tallet edhe me viktimat e 21 janarit./CNA.al