web counter
LEXO PA REKLAMA!

SHKARKO APP

App Store
Google Play

E fundit!

x

Masakroi pacienten/ Mjeku turk mohon operacionin në Sante Plus

2022-11-08 22:03:43, Denoncim CNA

Masakroi pacienten/ Mjeku turk mohon operacionin në Sante Plus

Në 7 Shtator “Stop” solli historinë e një zonje, që iu drejtua spitalit privat Sante Plus për rimodelimin e barkut, por rezultati ishte i tmerrshëm. Zonja jeton prej 22 vitesh jashtë Shqipërisë dhe vendosi që për 1900 Euro të kthente barkun që kishte pasur para lindjeve në këtë spital në Tiranë.

Pas ndërhyrjes së parë zonja shkoi dhe pesë herë të tjera për ndërhyrje. Herën e pestë i hoqën edhe kërthizën. Në vendin ku jeton, i duhet të bëjë sërish ndërhyrje dhe të riparojë edhe kërthizën.

Inspektoriati Shtetëror Shëndetësor fillimisht e gjobiti me 500 mijë lekë spitalin “Sante Plus”, ndërsa në 13 Tetor i vuri shiritin e mbylljes.

“Stop” shkoi te Urdhri i Mjekut, ku juristi Ilir Reka tregoi, se çfarë ka ndodhur. Ai tha se është zbuluar emri i mjekut turk Murat Akbaba, i cili pritet të dalë në Komisionin e Disiplinës dhe të përballet me pacienten, pasi mjeku pretendon, se nuk e ka kryer ai operacionin.

Ilir Reka: Normalisht nga ana e Sante Plus na është dhënë një informacion që janë 8 mjekë. Ndër to, një është i huaj dhe të tjerët janë mjekë shqiptarë.

Gazetarja: Më në fund, Sante Plus paska nxjerrë emrin e kirurgut turk, apo jo?

Ilir Reka: Së fundmi nga java tjetër mund të zhvillohet një seancë gjykimi disiplinor profesional, e cila është seanca e ballafaqimit, ku kemi kontaktuar edhe me mjekun turk për zhvillimin e kësaj seance të të dyja palët në ambientet e urdhrit. Na një informacion që na është sjellë nëpërmjet email-it nga mjeku turk pretendohet që normalisht nuk është ai që ka kryer ndërhyrjen. Ky është pretendim i mjekut turk.

Nga ana tjetër Inspektorati Shtetëror Shëndetësor ka lejuar sërish hapjen e “Sante Plus” pasi ky spital ka bërë një kontratë për mbetjet spitalore me afat 1-vjecar. Kështu ia hodhi problemit numër 1.

Po kështu spitali ka bërë kontratë kateringu për 6 muaj. Spitali ka çuar 19 kontrata mjekësh dhe 14 infermierësh, që në fakt nuk rezultojnë në listë-pagesat e spitalit, por janë të deklaruar nga institucione të tjera spitalore. Duhet thënë që Sante Plus si një subjekt ka probleme të theksuara përsa i përket detyrimeve tatimore kundrejt shtetit shqiptar.

Nëse i referohemi deklarimeve të punonjësve në rastin konkret, të gjitha këto dokumente bien poshtë pasi realiteti është tjetër nga ai që është servirur tek inspektorati Shtetëror Shëndetësor. Kontratat dhe emrat e personave që figurojnë në dokumente, në fakt, nuk përputhen deklarimit të tyre në sigurimet shoqërore dhe tatime, pasi janë të deklaruara nga të tjera institucione spitalore dhe jo nga Sante Plus.

“Të gjendur në këto kushte sirenat e alarmit bien në një tjetër institucion, është Drejtoria e Përgjithshme e Tatimeve që duhet të shkojë në spitalin privat Sante Plus, pasi ky i fundit ka guxuar duke mashtruar Inspektoratin me dokumentet e mjekëve dhe infermierëve që në fakt nuk figurojnë në listë-pagesat e këtij spitali”, raportoi gazetarja. /tvklan.al





Lajmet e fundit nga