web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Banesat iu shkrumbuan nga zjarri, banorët në Maliq në qiell të hapur: Do flemë tek komshinjtë

2023-11-29 13:58:00, Aktualitet CNA

VIDEO/ Banesat iu shkrumbuan nga zjarri, banorët në Maliq në

Një shkëndijë elektrike dyshohet të ketë qenë shkak i zjarrit të rënë në tre banesa në fshatin Pendavinj të Maliqit. Një situatë mjaft e rëndë, me dëme të shumta materiale por fatmirësisht pa dëme në njerëz. Fillimisht ka rënë zjarri në një prej banesave e  më pas është përhapur në dy të tjerat ngjitur saj, duke shkrumbuar të gjitha orenditë brenda tyre. Forcat zjarrfikëse kanë luftuar për më tepër se 3 orë për neutralizimin e flakëve e më pas shuarjen totale të zjarrit. Ilia Malaveci, njëri prej të prekurve nga ky zjarr, ka treguar situatën e rëndë që po përjetojnë.

“Në banesë time u dogjën të gjitha orenditë. S’ka ngelur asgjë, vetëm një dhomë ka shpëtuar. Zjarri nisi në banesën e komshiut e më pas u përhap nga unë. S’kam cctë them, nuk e di nga se ra zjarri, ndonjë shkëndijë elektrike. Po haja mëngjes dhe më tha gruaja që ra zjarr. Dola dhe shoh nga komshiu tym, vajtëm ta nxirrnim atë se është invalid, e nxorrëm bashkë me të shoqen dhe të birin, ai donte ta nxirrte nga dritarja dhe u dëmtua pak, ccau dorën. Pastaj erdhi zjarrfikësja. Jemi mes katër rrugëve, jetoj me gruan dhe me një vajzë, vajzën tjetër e kam jashtë. Po na dha bashkia ndonjë ndihmë mirë. Do qëndrojmë në ndonjë komshi, s’kam ku shkoj tjetër. Moti nuk është i qëndrueshëm, po patën mundësi të na ndihmojnë, ne vetë s’kemi mundësi, pa punë vetëm me tokat. U dogjën edhe dy banesa të tjera, komshiu tjetër jeton në Greqi. Mbetemi dy familje jashtë", u shpreh një nga banorët. 

Kryetari i bashkisë Maliq, Gëzim Topçiu, ka reaguar menjëherë duke shkuar në vendngjarje e duke premtuar për familjet ndihmë urgjente sa i përket banesave dhe akomodimit të familjeve që sot janë në mes të katër rrugëve.

“Situata vërtet është e vështirë pasi po e shoh vetë çfarë ka ndodhur. Dëme të mëdha materiale, shyqyr që s’pati dëme njerëzore dhe në këtë prizëm i japim kurajo vetes. Familjarëve u them që jemi pranë tyre e shumë shpejt do ta diskutojmë në mbledhjen e këshillit bashkiak që ti dëmshpërblejmë sipas akteve ligjore në fuqi. Patjetër që bashkia ka detyrimin për të bërë pagesat përkatëse të dëmeve. Do të urdhëroj menjëherë pavarësisht pjesës që bën policia dhe zjarrfikësja, që ne të bejmë një proccedurë sa më të shpejtë e të saktë që të jemi pranë familjarëve në këtë situatë që ndodhen", tha një tjetër banor. 

Nga ana tjetër, policia ka filluar hetimet për zbardhjen e plotë të rrethanave të rënies së zjarrit./CNA





Lajmet e fundit nga