U pezullua nga detyra pas arrestimit të djalit/ Efektivi i policisë, i kallëzuar më herët nga PD

2023-01-04 16:12:00, Aktualitet CNA

U pezullua nga detyra pas arrestimit të djalit/ Efektivi i policisë, i

Dilaver Velo, Alban Velo

Zbardhen të tjera detaje lidhur me efektivin e policisë Dilaver Velo, i cili rezulton babai i autorit të dyshuar për vrasjen e Edmons Papës.

Raportohet se Dilaver Velo, i cili shërbente në Seksionin e Patrullës së Përgjithshme në Komisariatin Nr.4 në Tiranë, ishte pjesë e listës së efektivëve të kallëzuar nga Partia Demokratike, që akuzoheshin nga PD për shpërdorim detyre në zgjedhjet e 25 prillit të 2021.

Në kallëzimin e depozituar nga Partia Demokratike në prokurori, mësohet se selia blu ka akuzuar Velon për veprat penale: “Korrupsionit aktiv në zgjedhje” parashikuar nga neni 328, “Korrupsionit pasiv në zgjedhje” parashikuar nga neni 328/b, “Kanosjes apo dhunimit ndaj pjesëmarrësve në zgjedhje” parashikuar nga neni 329 dhe “Marrjes ose përdorimit të paligjshëm të dokumenteve të identifikimit” parashikuar nga neni 331/a të Kodit Penal.

Kallëzimi është depozituar në datën 7 prill 2021.

“Shtetasit e mësipërm kanë shkelur Kodin Penal dhe Kodin Zgjedhor nëpërmjet: Intimidimit me anë të punonjësve të administratës shtetërore të anëtarëve të Partisë Demokratike të zhvillojnë aktivitetet e parashikuara prej tyre në Njësitë Administrative 4 dhe 8, duke i kërcënuar këta të fundit me sanksione administrative/penale. Vizitave dhe intimidimit me anë të punonjësve të administratës shtetërore të pronarëve të bar/kafeve ku Partia Demokratike ka zhvilluar takime, duke i kërcënuar që në rast se lejojnë mbledhje në të ardhmen do të gjobiten nga organet e tatimeve dhe policisë. Kërcënimi me anë të telefonit apo personalisht nëpërmjet punonjësve të administratës shtetërore të aktivistëve të Partisë Demokratike dhe aleatëve të opozitës me qëllim që të largohen nga veprimtaria në këtë parti dhe të mos ushtrojnë të qetë të drejtat e tyre ligjore dhe në rast mostërheqje do të përballen jo vetëm me dënime atyre dhe familjarëve të tyre, por dhe me dhunë fizike.”, thuhet në kallëzimin e PD./CNA.al