web counter
LEXO PA REKLAMA!

SHKARKO APP

App Store
Google Play

Taksa për profesionet e lira/ Tabaku: Dëmton ekonominë

2024-05-02 16:04:00, Aktualitet CNA
Taksa për profesionet e lira/ Tabaku: Dëmton ekonominë
Deputetja e PD-së, Jorida Tabaku

Deputetja e PD-së, Jorida Tabaku, ka folur për taksimin e profesioneve të lira, duke u shprehur se është i padrejtë dhe se dëmton ekonominë.

Gjatë fjalës së saj në Kuvend, Tabaku tha se taksa e profesioneve të lira gjobit punën dhe nga ana tjetër, fondet e buxhetit të shtetit shkojnë në drejtim të paditur.

“E di që është e vështirë të rikthehet vëmendja te temat që kanë interes te qytetarët, por dua të fokusohem te një temë që ditët e fundit ka ngjallur shumë interes, te taksa e profesioneve të lira. GJK njoftoi se më 18 qershor do të ketë një seancë të përbashkët për të dëgjuar padinë e grupit të PD-së, por edhe të shoqatave dhe organizatave që janë bashkuar kundër taksës së padrejtë ndaj profesioneve të lira.

Parlamenti pati nderin e veçantë të hënën, ku dëgjoi për herë të parë apo të dytë në parlament ministrin e Financave, të flasë për ekonominë. Ata kopukët tha, 29 mijë profesionistët e lirë, marrin më shumë xhiro e fitim se bankat, por kur ngatërron dardhat me mollët dhe kur e ke mendjen gjithë ditën te dardhat dhe mollët, sigurisht që këtë llogari do bësh.

Së pari, janë 29 mijë profesionistë të lirë, që kanë një fitim prej 510 mln eurosh, i pjesëtuar del 1,400 euro në muaj. Sa banka ka Shqipëria? Sa aksionerë? A ka aksioner që merr më pak se profesionistët e lirë? A e dini se çdo vit në Shqipëri, një qytet me madhësinë e Gjirokastrës i largohen Shqipërisë? Prandaj nuk dalin të dhënat e censusit.

Taksa e profesioneve të lira, e pandershme, e dëmshme për ekonominë, gjobit punën dhe nga ana tjetër, fondet e buxhetit shtetit shkojnë në drejtim të paditur, sot do të jetë një taksë shtesë mbi njerëzit e punës. Nuk ka shtet pa taksa, dhe ata nuk kërkojnë të mos taksohen, por të trajtohen në mënyrë të drejtë”, tha Tabaku./ CNA





Lajmet e fundit nga