web counter
LEXO PA REKLAMA!

SHKARKO APP

App Store
Google Play

E fundit!

x

“Sterilizimi”/ Kushëriri i Ilir Beqajt dhe Arben Gjata paraqiten në SPAK

2023-09-01 10:20:00, Aktualitet CNA

“Sterilizimi”/ Kushëriri i Ilir Beqajt dhe Arben Gjata

Kushëriri i Ilir Beqajt, Genc Byrazeri dhe Arben Gjata janë paraqitur ditën e sotme në SPAK.

Për Arben Gjatën dhe Genc Byrazerin, Gjykata ka dhënë  masën detyrim me paraqitje pas hetimeve për koncesionin 100 milionë eurosh të sterilizimit.

Më herët CNA ka siguruar vendimin e Gjykatës së Posaçme të Shkallës së Parë për dosjen e koncesionit të sterilizimit, një nga çështjet e “nxehta" në duart e SPAK-ut që ka sjellë edhe reagime të shumta politike.

Në vendim thuhej se pas hetimeve gjykata ka dhënë masat “arrest me burg” për ish-zv.ministrin e Shëndetësisë, Klodian Rjepaj dhe biznesmenin Ilir Rrapaj.

Ish-zv-ministri i Shëndetësisë, Klodian Rjepaj akuzohet për “mashtrim”, “falsifikim i dokumenteve” dhe “shpërdorim detyre”. Ndërsa mbi biznesmenin Ilir Rrapaj rëndon akuza e mashtrimit.

Ndërkohë gjykata ka dhënë masën e sigurisë “arrest shtëpie” për Saimir Kadiun dhe masën “detyrim paraqitje” për 4 të tjerë, Arben Gjatën, Petraq Mersinin, Genc Byrazerin, dhe Naile Abazin.

Një detaj që përmendej në dosje ishte se ish-zv/ministri Klodian Rjepaj dhe biznesmeni Ilir Rrapaj kanë njohje të hershme dhe ata kanë studiuar në Universitetin e Mjekësisë në vitet 1991 dhe 1994. Këta të fundit kanë përfunduar studimet me Artan Leshin, që rezulton të jetë drejtor në kompaninë “Saniservice”.

Miqësinë e tyre ata e kanë vazhduar dhe kanë bashkëpunuar me qëllim që të përfitonin nga kontrata e sterilizimit.

Sipas Prokurorisë së Posaçme, Ilir Rrapaj ka hyrë në territorin e Shqipërisë në dhjetor të 2014 me automjetin e Ministrisë së Shëndetësisë, i cili ishte në përdorim nga ish-zv-ministri Klodian Rjepaj.

Ky udhëtim është bërë pak ditë para se bashkimi i operatorëve të ekonomisë, ku përfshihet kompania "Investital" e Rrapajt të shpallej fitues për koncesionin.

“Saniservice” është kompania koncesionare e sterilizimit, aksionet më të mëdha i ka “Investital LLC”, ku themelues është Ilir Rrapaj./ CNA

 





Lajmet e fundit nga