web counter
LEXO PA REKLAMA!

SHKARKO APP

App Store
Google Play

“Sterilizimi”/ GJKKO kërkon ndërprerjen e kontratës koncesionare para afatit

2023-08-20 14:05:00, Aktualitet CNA

“Sterilizimi”/ GJKKO kërkon ndërprerjen e kontratës

GJKKO ka kërkuar ndërprerjen e koncesionit të sterilizimit para afatit të kontratës. Kjo pas shkeljeve që janë konstatuar në koncesionin e sterilizimit, ku si pasojë SPAK arrestoi 8 zyrtarë mes tyre ish zëvendësministri i Shëndetësisë Klodian Rrjepaj dhe biznesmeni Ilir Rrapaj.

Raportohet se GJKKO ka kërkuar nga ILDKP-ja marrjen e masave për ndjekjen e rrugës ligjore për konstatimin e pavlefshmërisë së kontratës koncesionare të datës 2 dhjetor 2015, mes Ministrisë së Shëndetësisë, përfaqësuar nga Ilir Beqaj dhe "SaniService".

Konkretisht, gjykata i kërkon ILDKP-së “marrjen e masave për ndjekjen e rrugës ligjore për konstatimin e pavlefshmërisë së kontratës koncesionare datë 2 dhjetor 2015 të lidhur mes Ministrisë së Shëndëtësisë, përfaqësuar nga Ministri Z.Ilir Beqaj dhe shoqërisë “Sani Service” sh.p.k. të përfaqësuar nga administrator Admir Daca. Ky i fundit, rezulton administrator i kompanisë fituese të koncesionit, e cila është një bashkim kompanish, konkretisht: “Investital LLC”, me pronar Ilir Rrapaj, zotëron 40 për qind të aksioneve, SERVIZI ITALIA S.P.A, 30%, Tecnosanimed 15% dhe U.JET 15%"./ CNA





Lajmet e fundit nga