web counter
LEXO PA REKLAMA!

SHKARKO APP

App Store
Google Play

Sondazh/ A duhet të hapen dosjet e ish-bashkëpunëtorëve të Sigurimit të Shtetit, për zyrtarët dhe njerëzit publikë?

2023-04-08 13:06:00, Aktualitet CNA
Sondazh/ A duhet të hapen dosjet e ish-bashkëpunëtorëve
Foto ilustruese

Në datën 2 dhjetor të 2022-shit kanë hyrë në fuqi ndryshimet e miratuara në Kuvend për hapjen e dosjeve të Sigurimit të Shtetit.

Kreu i Grupit Parlamentar të PS-së, Taulant Balla dhe deputeti Enkelejd Alibeaj deklaruan asokohe në Parlament se shqiptarët tashmë do të kishin të drejtë të aksesonin dhe të vlerësonin dosjet e bashkëpunëtorëve të Sigurimit të Shtetit.

Por pavarësisht se politika pretendon se dosjet u hapën, Autoriteti i Dosjeve konfirmoi zyrtarisht për CNA më 28 dhjetor të vitit të kaluar se dosjet nuk janë hapur për faktin se duheshin disa akte nënligjore.

Ndërkohë, një javë më parë, duke iu përgjigjur një kërkese të CNA për hapjen e dosjeve për disa personazhe të politikës, medias apo jetës publike, Autoriteti tha se dosjet do të hapeshin brenda vitit, pasi procesi kishte avancuar.

Pra, deri më tani qytetarët nuk kanë të drejtë aksesi në dokumentat e bashkëpunëtorëve të Sigurimit të Shtetit.

Nisur nga kjo, CNA ka hapur sot një sondazh, ku pyet qytetarët nëse mendojnë se duhet apo nuk duhet të hapen dosjet e ish-bashkëpunëtorëve të Sigurimit të Shtetit, për zyrtarët dhe njerëzit publikë?

CNA fton shqiptarët të shprehin qëndrimin e tyre./ CNA.al

Poll




Lajmet e fundit nga