Si po shkojnë gjërat në kryeqytet në krahasim me 5 vjet më parë?

2023-02-17 21:25:08, Aktualitet CNA

Si po shkojnë gjërat në kryeqytet në krahasim me 5 vjet

Sa i përket sondazhit që Barometri ka kryer për pyetjen si po shkojnë gjërat në përgjithësi në Bashkinë e Tiranës, rezultati ka treguar se:

7.1 % e kryeqytetasve mendojnë që gjërat po shkojnë shumë më mirë. 46.9 % mendojnë se gjërat po shkojnë më mirë. 28.5 % mendojnë se gjërat po shkojnë njësoj. 13.8 % mendojnë se po shkojnë më keq ndërssa 2.1 % e kryeqytetasve mendojnë që gjëra po shkojnë shumë më keq.

Sa i përket se si po shkojnë gjërat në Shqipëri, gjetjet e Barometrit tregojnë se; 32.2 % mendojnë se gjërat po shkojnë mirë, ndërkohë që 39 % e kryeqytetasve mendojnë që gjërat po shkojnë keq. Ndërsa 28% e tyre mendojnë që gjërat nuk po shkojnë as mirë as keq.

Si po shkojnë gjërat në kryeqytet në krahasim me 5 vjet

Shumica e atyre që mendojnë se gjërat po shkojnë mirë janë të grupmoshës 25-34 vjeç me 37.1 %, ndërkohë që ata që mendojnë se gjërat po shkojnë shumë keq janë 45-54 vjeçarët me 46.5 %.

Megjithatë kur krahasojnë se si po shkojnë gjërat në Shqipëri krahasuar me Tiranën, 54 % e kryeqytetasve mendojnë se po shkojnë më mirë. 28.5 % e tyre mendojnë që gjërat po shkojnë keq ndërsa 15.9% e kryeqytetasve mendojnë që gjërat po shkojnë shumë më keq.

Qytetarët janë pyetur se si po shkojnë gjerat në Tiranë krahasuar me 5 vite më parë. Gjetjet e Barometrit tregojnë se 18.5% e kryeqytetasve mendojnë se gjërat po shkojnë më mirë ndërsa 48.8 % e tyre mendojnë që gjërat po shkojnë më keq.

Si po shkojnë gjërat në kryeqytet në krahasim me 5 vjet

Kryeqytetasit janë pyetur gjithashtu edhe se sa të kënaqur janë me jetesën në lagjen ku banojnë. Sipas sondazhit, 58 % e kryeqytetasve janë të kënaqur me jetesën në lagjet ku banojnë ndërsa 41.6 % e tyre janë të pakënaqur për lagjen ku banojnë.

Sa i përket jetesës në zonën ku banojnë krahasuar me 5 vite më parë, 57.8 % e kryeqytetasve mendojnë që gjërat kanë shkuar më mirë. 31. 9 % e tyre mendojnë që gjërat po shkojnë më keq ndërsa 10.3 % e tyre mendojnë që gjërat nuk kanë ndryshuar.

Si po shkojnë gjërat në kryeqytet në krahasim me 5 vjet

Të pyetur se si ka ndikuar puna e bërë në zonat ku banojnë, 46.6% e kryeqytetasve mendojnë që ajo ka ndikuar për mirë në cilësinë e jetës. 33.7% e tyre mendojnë që puna e bërë nuk ka ndikuar në përmirësimin e cilësisë së jetesës ndërsa 18.6% e kryeqytetasve mendojnë se nuk është bërë asnjë punë./ Euronews Albania