web counter
LEXO PA REKLAMA!

SHKARKO APP

App Store
Google Play

Shoqëronte Martinajn me makinë/ SPAK mund të marrë në dorë çështjen e Jeton Lamit

2022-12-19 22:53:00, Aktualitet CNA

Shoqëronte Martinajn me makinë/ SPAK mund të marrë në

Çështja e Jeton Lamit, agjentit të Forcave Operacionale, i cili akuzohet se ka shoqëruar, ndihmuar dhe transportuar të shumëkërkuarin Ervis Martinaj, mund të shkojë në SPAK.

Kështu ka deklaruar mbrëmjen e sotme gazetarja Dorjana Bezat, e cila tha në “Top Story” se ende nuk ka kaluar.

Bezat u shpreh se sipas informacioneve, Lami ka dhënë një dëshmi për Ervis Martinajn.

“Ka informacione që Lami ka dhënë një dëshmi. Mbështetjen ndaj Martinajt nuk mund ta bënte i vetëm Jeton Lami, por ka pasur edhe mbështetje të tjera. Deadline që ai vendosi është i pamjaftueshëm. Çështja e Lamit është në prokurorinë e Lezhës dhe flitet se do të kalojë në SPAK por në dijeninë time nuk ka kaluar ende”, theksoi ajo.

Ndërkohë, kujtojmë se Jeton Lami akuzohet se ka transportuar Ervis Martinajn me një makinë nga Durrësi në Tiranë në fillim të muajit gusht, pak ditë para se ky i fundit të denoncohej nga familjarët si person i zhdukur./ B.A. – CNA.al





Lajmet e fundit nga