web counter
LEXO PA REKLAMA!

SHKARKO APP

App Store
Google Play

Raporti vjetor për AMA-n/ Krasniqi: 349 ankesa për shkelje nga mediat, 2 raste gjobash

2025-10-20 11:33:00, Aktualitet CNA

Raporti vjetor për AMA-n/ Krasniqi: 349 ankesa për shkelje nga mediat,

Drejtuesja e Autoritetit të Mediave Audiovizive (AMA), Armela Krasniqi ishte këtë të hënë e pranishme në Komisionin Parlamentar për të Drejtat e Njeriut dhe Mjetet e Informimit Publik për raportimin e punëve të kryera nga ky autoritet gjatë vitit 2024.

Në fjalën e saj, Krasniqi theksoi se gjatë vitit të kaluar, AMA ka pasur si prioritet edukimin mediatik të publikut përmes programeve të ndryshme udhëzuese dhe ndërgjegjësuese.

Krasniqi tha se gjatë vitit 2024, AMA ka trajtuar 349 ankesa për shkelje nga mediat, prej të cilave 2 raste kanë përfunduar me gjoba.

“Kemi dhënë kontribut lidhur me planin për matjen e shikueshmërinë. Janë prezantuar praktikat më të mira të realizuara nga vende të ndryshme të Bashkimit Europian.  U realizua një fushatë ndërgegjësimi për publikun. Janë dhënë udhëzime nëpërmjet 23 videove për përdorimin e përgjegjshëm të mediave audiovizuale lidhur me prindërimin digjital, mbrojtjen e të dhënave digjitale, përdorimin e ekuilibruar të internetit, rreziqet në botën digjitale. Procesi i edukimit mediatik të publikut ka vijuar me prioritet gjatë të gjithë vitit të kaluar. Sa i takon punës nga Këshillit të Ankesave, që kanë punuar për 349 ankesa. Janë vënë gjoba në 2 raste”,-tha Krasniqi./CNA





Lajmet e fundit nga