web counter
LEXO PA REKLAMA!

SHKARKO APP

App Store
Google Play

Përmbytjet në veri të vendit/ Reagon Rama

2022-12-17 13:01:00, Aktualitet CNA

Përmbytjet në veri të vendit/ Reagon Rama

Reshjet e mëdha të shiut kanë përfshirë vendin tonë prej disa ditësh, duke sjellë problematika në disa zona, veçanërisht në veri të vendit.

Lidhur me këtë ka reaguar kryeministri Rama i cili shprehet se autoritetet po qëndrojnë në gatishmëri për të ndihmuar qytetarët.

"Në monitorim të pandërprerë të situatës së krijuar nga reshjet e fundit në disa zona të veriut
Të gatshëm të përgjigjemi për çdo nevojë të njerëzve"- shkruan ai.

Kujtojmë se situata në Bashkinë e Shkodrës si pasojë e reshjeve, mbetet problematike. Nën ujë ka 3 020 hektarë tokë, sipërfaqe kjo që ka pësuar një rritje me 250 hektarë në krahasim me ditën e djeshme. 155 banesa, oborre e stalla kanë prezencë uji.

 Po ashtu, reshjet e shiut kanë shkaktuar përmbytje dhe në Qarkun e Lezhës, duke bërë që nën ujë të raportohen 570 hektarë tokë.

Nga kaskada e Vaut të Dejës, janë hapur dy porta shkarkimi, porta e Zadejes dhe Portat e Qyrsaqit. Shkarkimet në total arrijnë në 1500 metër kub për sekond. Portat janë mbajtur të hapur deri në orën 12:00 të kësaj të shtune, duke rrezikuar përmbytje në zonat e Shkodrës dhe të Lezhës. Fatmirësisht në zonën e Shkodrës janë ndërprerë reshjet ndërsa edhe niveli i prurjeve të ujit ka filluar rënien./CNA.al





Lajmet e fundit nga