web counter
LEXO PA REKLAMA!

SHKARKO APP

App Store
Google Play

E fundit!

x

Niko Peleshi: Baza ajrore në Kuçovë, aset i vyer

2024-03-04 10:24:00, Aktualitet CNA

Niko Peleshi: Baza ajrore në Kuçovë, aset i vyer

Ministri i Mbrojtjes, Niko Peleshi, ka hapur këtë të hënë ceremoninë për inaugurimin e bazës ajrore të NATO-s në Kuçovë.

Ai shprehu krenari dhe nder për këtë bazë taktike operacionale, ndërsa e cilësoi si një aset të vyer të Shqipërisë.

Peleshi deklaroi se "Black Hock" dhe dronët "Bayraktar" janë aktualisht në gatishmëri të plotë për të nisur fluturimet në bazë.

“Sot deklarojmë zyrtarisht rihapjen e bazës ajrore të Kuçovës, e cila përbën një prej investimeve më të mëdha të NATO-s në Shqipëri dhe do të shërbejë si një bazë taktike operacionale. Ndjenja e krenarisë që sot provojmë është mëse e ligjshme, jo vetëm për rezultatin e dukur, por edhe për fatin se për një vend të vogël si Shqipëria ka nderin dhe privilegjin t’i ofrojë aleancës këtë aset të vyer në skemën e saj të mbrojtjes kolektive. Mbi këtë pistë miku i fundit ka fluturuar rreth 19 vite më parë. Erdhi koha që në Kuçovë të ndihet jehona e avionëve të NATO-s, mbrojtësve të qiejve tanë. Kuçova do jetë baza kryesore e Forcave tona ajrore. 'Black Hock' dhe dronët 'Bayraktar' janë aktualisht në gatishmëri të plotë për të nisur fluturimet në bazë. Numri i tyre do rritet ndjeshëm në vijim”, deklaroi ai ndër të tjera./ CNA





Lajmet e fundit nga