web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi, i keqardhur: Montpellier bën atë që nuk bëri Tirana, transport publik falas!

2023-12-23 20:34:00, Aktualitet CNA

Këlliçi, i keqardhur: Montpellier bën atë që nuk

Një nga pikat më të forta të Belind Këlliçit kur kandidoi për kryetar bashkie të Tiranës, ishte premtimi dhe projekti për transport publik falas.

Ndonëse diskutohej shumë si ide, qytetarët arritën ta shihnin si një shërbim që mund t’i ndihmonte ata të kursenin.

Ish-deputeti dhe anëtari i Kryesisë së PD-së, Belind Këlliçi ka bërë me dije se banorët e Montepellier në Francë, nga mbrëmja e së enjtes kanë mundur të udhëtojnë me tramvaj dhe autobusë pa pagesë.

“Nga mbrëmja e së enjtes, banorët e Montpelierit mund të udhëtojnë me tramvajë dhe autobusë pa pagesë.

Kryebashkiaku i atjeshëm është socialist madje.

Premtoi transport publik falas kur u zgjodh në vitin 2020. E nisi duke futur udhëtime falas në fundjavë dhe në vitin pasardhës e mundësoi për banorët nën 18 vjeç dhe ata më të moshuar se 65 vjeç, gjatë gjithë javës. Sipas tij nisma ishte pjesë e një “angazhimi evropian ndaj klimës dhe fuqisë blerëse”. Dy arsye këto pse Tirana duhet të vepronte njëlloj.

"Ky hap i inkurajon njerëzit që të mos udhëtojnë me automjetet e tyre, madje kemi krijuar një shoqatë për të ndihmuar kryebashkiakët e tjerë evropianë të bëjnë të njëjtën zgjedhje", thotë ai. Veliajn nuk e ndihmon dot kjo nismë. Për fat të keq as banorët e Tiranës”, shkruan Këlliçi.

Më tej ai thekson se transporti publik pa pagesë është i mundshëm kur ka vullnet për të punuar dhe jo për të vjedhur.

Mbi 100 mijë qytetarë votuan këtë projekt, por shumë të tjerë ranë pre e mediave të blera nga pushteti, nga presioni për vendin e punës, prerjen e energjisë ose thjesht u kënaqën me shitjen e votës.

Këlliçi shprehet i keqardhur për rrugën që mori Tirana dhe që sot qytetarët vijonë të pagujanë për një incenerator që nuk ekzsiton.

“Ja pra që transporti publik pa pagesë është i mundshëm kur ka vullnet për të punuar dhe jo për të vjedhur. Mbi 100 mijë qytetarë në Tiranë e votëbesuan këtë projekt. Shumë të tjerë ranë pre e mediave të blera nga pushteti, nga presionet me vendin e punës, prerjen e energjisë elektrike ose thjesht u kënaqën me shitjen e votës. Sot paguajnë pasojat, nga tarifat e inceneratorit që nuk ekziston tek taksa antikushtetuese e arsimit.Keqardhje për rrugën që mori Tirana!”, përfundon Këlliçi./ CNA





Lajmet e fundit nga