web counter
LEXO PA REKLAMA!

SHKARKO APP

App Store
Google Play

“Furtuna Rrumbullaku”/ Ndryshime në strukturën e Policisë së Shtetit

2022-09-21 19:17:00, Aktualitet CNA
“Furtuna Rrumbullaku”/ Ndryshime në strukturën e
Muhamet Rrumbullaku, drejtori i Policisë së Shtetit

Pas ardhjes së Muhamet Rrumbullakut në krye të Policisë së Shtetit, CNA.al ka raportuar se së shpejti do të bëhen ndryshime dhe lëvizje, të cilat synojnë performancën e lartë të Policisë së Shtetit dhe goditjen e krimit.

Sot Muhamet Rrumbullaku, ka anuluar konkursin për gradën kryekomisar, një nismë kjo e marrë më parë nga Gledis Nano.

CNA.al ka mësuar se ky vendim ka ardhur për shkak të ndryshimeve që drejtori i Policisë së Shtetit do bëjë në struktura.

Ndryshimi i strukturës sjell ndryshime të forta në kupolën e Policisë së Shtetit dhe nivelet drejtuese të qarqeve.

Ndërkohë, edhe vetë Rrumbullaku, ka paralajmëruar "furtunë", teksa ka folur për një fytyre të re të policisë.

"Jam i vendosur për të luftuar pa kompromis fenomenet e paligjshme. Uniforma e çdo punonjësi policie nuk është një veshje, por një simbol në luftën me krimin. Objektivat e mi do të jenë: Reformë e re ligjore, rialokim, riorganizim, analizë e thelluar në të gjitha nivelet e organizatës", u shpreh Rrumbullaku menjëherë pas marrjes së detyrës.

Gjithashtu, në një takim me drejtuesit e qarqeve, ai i dha 100 ditë afat vartësve për të ndryshuar gjendjen në të cilën ndodhet policia.

“Angazhimi, përkushtimi, profesionalizmi, realizimi i detyrave, prioriteteve dhe objektivave të përcaktuara më parë dhe atyre të vendosura në kuadër të 100 ditëve, do të jenë të vetmit faktorë që do të përcaktojnë vijimesinë tuaj në detyrë.

Ndryshoni menjëherë metodologjinë e punës, duke filluar nga drejtori e deri te shefi i seksionit, mos komandoni nga zyrat por dilni në terren, kontrolloni, mbështesni, ndihmoni dhe orientoni shërbimet që keni në varësi, për të përmbushur sa më mirë detyrën në shërbim te qytetarëve”, theksoi ai./ B.A. – CNA.al





Lajmet e fundit nga