web counter
LEXO PA REKLAMA!

SHKARKO APP

App Store
Google Play

“Festa e Birrës”/ Mijëra qytetarë hapin siparin e natës së parë

2022-08-17 21:26:15, Aktualitet CNA
“Festa e Birrës”/ Mijëra qytetarë hapin siparin e
Foto nga "Festa e Birrës"

“Festa e Birrës” ka hapur siparin e natës së parë në qytetin e Korçës, ku kanë mbërritur mijëra qytetarë për të shijuar atmoferën fantastike.

Si asnjëherë tjetër, pjesëmarrja është jashtëzakonisht e madhe, pasi të shumtë janë edhe emigrantët e kthyer në atdhe, që i janë bashkuar festës.

Atmosfera tashmë është ndezur dhe qytetarët po festojnë nën tingujt e muzikës. Të ftuarit specialë që po mbajnë atmosferën e ndezur janë reperi Capital T, grupi shumë i dashur për publikun West Side Family, Lore dhe Dj i famshëm Vin Veli.

Përveç mbrëmjes së sotme ka dhe 4 netë të tjerë festive dhe plot këngëtarë surprizë.

Më datë 18 gusht do të performojnë artistët e mirënjohur Eranda Libohova, Niko Dj, All In Band dhe Offchestra.

Një natë e zjarrtë do të jetë edhe ajo e 19 gushtit me artistët Eugent Bushpepa, Tiri Gjoci, Flashback dhe Brios Band.

Supriza e këtij viti është pjesëmarrja e këngëtarit të njohur grek, Konstantinos Argiros, i cili do të ndezë atmosferën më 20 gusht, së bashku me këngëtaren shqiptare Anxhela Peristeri.

Ndërkohë, 21 gushti do të jetë nën muzikën e të madhes Aurela Gaçe, e cila si gjithmonë di të ndezë skenën dhe të ngrejë peshë zemrat e publikut.

Mos mungoni! Shijoni 5 netët “e zjarrta” të “Festës së Birrës” në qytetin më COOL!/ B.A – CNA.al





Lajmet e fundit nga