web counter
LEXO PA REKLAMA!

SHKARKO APP

App Store
Google Play

E fundit!

x

Festa më e madhe dhe popullore e birrës/ Hap nesër siparin edicioni i 16-të në Korçë

2022-08-16 19:40:00, Aktualitet CNA
Festa më e madhe dhe popullore e birrës/ Hap nesër siparin
Foto nga edicionet e kaluara të "Festës së Birrës"

Festa e Birrës, festa më e madhe dhe më popullore e stinës së verës në Shqipëri hap nesër në Korçë siparin e edicionit të 16-të. 

E konfirmuar tashmë si një nga eventet më të mëdha dhe organizimet më serioze në Shqipëri, me impakt të madh në zhvillimin e turizmit dhe ekonomisë lokale, festa edhe këtë vit pritet të thyejë rekordet e vizitorëve nga brenda dhe jashtë Shqipërisë që zgjedhin Korçën si destinacion.

Festa e Birrës është ideuar dhe implementohet prej 16 vitesh nga Bashkia Korçë në bashkëpunim me partnerë implementues dhe pjesëmarrjen dhe mbështetjen e bizneseve më prestigjoze në Shqipëri.

Festa më e madhe dhe popullore e birrës/ Hap nesër siparin

Qëllimi i saj ka qënë dhe vijon të jetë jo thjesht argëtimi për banorët dhe promovimi i vlerave më të mira të rajonit, por sidomos krijimi i një produkti turistik të qëndrueshëm që mundëson çdo vit tërheqjen e mijëra vizitorëve vendas e të huaj duke patur impakt të drejtpërdrejtë në ekonominë lokale.

Në vitin 2010 Festa e Birrës në Korçë është vlerësuar nga Ministria e Turizmit me çmimin e produktit më të mirë turistik në Shqipëri.

Festa e Birrës 2022 do të organizohet për 5 ditë, 17-21 gusht, në dy vende të ndryshme në qytetin e Korçës, Terminali i Autobusëve dhe Pazari i Vjetër duke ofruar 10 spektakle të mëdha muzikore që do të ndiqen nga një audiencë e pritshme rreth 10 000 pjesëmarrës çdo natë. 

Risitë e "Festës së Birrës 2022"

Organizatorët kanë siguruar lejen nga Ministria e Brendëshme për ta vazhduar festën në të 5 netët përtej orës 24:00 në të dy vendet e organizimit të saj, Terminali i Autobusëve dhe Pazari i Vjetër.

Në të 5 ditët e Festës së Birrës do të vijnë për publikun 10 koncerte të mëdha me emrat më të njohur të muzikës nga brenda dhe jashtë kufijve.

Spektaklet në të dy vendet e organizimit te festës do të çelen në orën 20:00 për të vijuar deri në orën 1:00 pas mesnate.

Festa më e madhe dhe popullore e birrës/ Hap nesër siparin

Për herë të parë, në dy nga ditët e festës, të premte 19 gusht dhe të shtunë 20 gusht, festa do të vazhdojë deri në orën 5:00 të mëngjesit brenda Markatës së Shijes, ku organizatorët do të sjellin pas mesnate dy festa të mëdha rinore me muzike elektronike dhe DJ të njohur.

Për herë të parë, është krijuar mundësia për rezervimin paraprak me një sistem të dedikuar online të një pjese të tavolinave të festës (1/3 e sasise te tavolinave) duke bërë të mundur zgjedhjen e vendit në festë dhe mundësimin e shërbimit për personat që do të rezervojnë tavolinë.

Pjesa tjetër e seteve të tavolinave (2/3) do te jetë e lirë, pra pa rezervim, sikundër edhe pjesa e dedikuar për publikun më këmbë.

Vendi i organizimit të festës  krijon mundësi optimale për pjesëmarrje të artisteve të njohur ndërkombëtarë, eksperiencë e provuar me sukses edhe vitin e kaluar.

Festa më e madhe dhe popullore e birrës/ Hap nesër siparin

Këngëtari i mirënjohur grek Kostandinos Argjiros do të kulmojë pjesëmarrjen e audiencës në festë të shtunë 20 gusht dhe vetëm koncerti i tij do të jetë me biletë.

Biletat e koncertit mund të blihen online në faqen zyrtare të festës www.festaebirres.com, fizikisht në cdo pikë EasyPay kudo në Shqipëri si edhe në biletaritë e dedikuara në hyrje të festës.

Të gjitha koncertet e tjera të Festës së Birrës janë FALAS.

Emra të njohur të muzikës shqiptare si Aurela Gaçe, Capital T, Eranda Libohova, West Side Family etj do të jenë pjesë e spektakleve muzikore që do të prezantohen nga gazetari dhe moderatoi i mirënjohur Ermal Peçi.

Në Festën e Birrës 2022 ka 9 birra pjesëmarrëse vendase dhe të huaja, sallameritë lokale të Korçës dhe biznese të shumta që mbështesin si sponsor dhe pjesëmarës festën./ CNA.al





Lajmet e fundit nga