web counter
LEXO PA REKLAMA!

SHKARKO APP

App Store
Google Play

Baton Haxhiu: Rama humbi betejën me Yuri Kim

2022-12-19 23:09:00, Aktualitet CNA
Baton Haxhiu: Rama humbi betejën me Yuri Kim
Gazetari Baton Haxhiu

Baton Haxhiu, i cili njihet si një gazetarët pranë Qeverisë, ka komentuar zgjedhjen e kreut të ri të SPAK, Altin Dumanit.

Haxhiu tha në emisionin e Çim Pekës se për zgjedhjen e kreut të ri kishte një betejë mes kryeministrit Edi Rama dhe ambasadores së SHBA në Tiranë, Yuri Kim.

Ai theksoi se në këtë betejë fitoi ambasadorja amerikane.

"Kishte betejë dhe betejën e fituan SHBA-të. Dhe po ta shihni DASH nuk pati reagim, sepse betejën ia ka lënë ambasadores. Ata ia kanë ndërtuar ndihmën në të gjitha mënyrat, por betejën ia kanë lënë asaj. Reforma në Drejtësi nuk e ka bazën amerikane, por holandeze. Holanda ka disa koloni në Karaibe dhe Amerikën Latine dhe për faktin se shtetet e vogla me 200-300 mijë banorë, kanë qenë të kontrolluara përmes karteleve të drogës të Amerikës Latine. Holanda me të gjitha investimet atje, ka qenë e pafuqishme që kryeministrat, ministrat t'i mbajë nën kontroll. Këto shtete që kanë polici, por jo ushtri, nuk mund t'i kontrollosh. Si mund të kontrollen? Vetëm me Reformën në Drejtësi. Holanda duke patur Amerikën aleate, Amerika ndërton konceptin e Reformës në Drejtësi, duke forcuar prokurorët dhe gjyqtarët, e njëjta gjë ka ndodhur edhe në disa vende të Ballkanit", nënvizoi gazetari./ B.A. – CNA.al





Lajmet e fundit nga