web counter
LEXO PA REKLAMA!

SHKARKO APP

App Store
Google Play

E fundit!

x

Ahmetaj dha intervistë, qeveria i heq pasaportën

2024-01-31 16:30:00, Aktualitet CNA
Ahmetaj dha intervistë, qeveria i heq pasaportën
Arben Ahmetaj

Ish-zvkryeministri Arben Ahmetaj, ka dhënë një intervistë për Çim Pekën nga arratia, e cila do të transmetohet të enjten në mbrëmje. 

Sipas Pekës, Ahmetaj do të bëjë akuza të rënda ndaj kryeministrit Rama lidhur me inceneratorin e Tiranës dhe pazaret e oligarkëve me Ramën e Veliajn.

Por, dy ditë para se të publikohet intervista me ish-zyrtarin e lartë, ku do të përmendet edhe aferra e madhe korruptive e inceneratorëve, qeveria ka vendosur që t'i heqë pasaportën diplomatike Ahmetajt. Me këtë vendim, Rama e ka zhveshur nga çdo privilegj ish-zëvendës kryeministrin. 

Raportohet se vendimi për heqjen e pasaportës së Ahmetajt mban datën 30 janar, ku  Drejtoria e Çështjeve konsullore në Ministrinë e Punëve të Jashtme, i ka drejtuar një kërkesë të gjitha misioneve diplomatike dhe konsullatave shqiptare në botë, që ta shpallin të pavlefshme. 

Pasaporta diplomatike e Arben Ahmetajt kishte vlefshmëri deri në vitin 2033.

Kjo lëvizje e qeverisë vjen vetëm dy javë pasi vendi Arben Ahmetajt si deputet u zëvendësua nga Plarent Ndrecaj.

Ish-numri dy i qeverisë shqiptare akuzohet nga SPAK për korrupsion, pastrim parash dhe fshehje pasurie./CNA 

 





Lajmet e fundit nga