web counter
LEXO PA REKLAMA!

SHKARKO APP

App Store
Google Play

“Po rikonstruktohet skema për pensionet”, Malaj: Sa të bëhen vlerësime, do të veprohet me bonuse

14 Nëntor 2025, 13:02, Ekonomi CNA

“Po rikonstruktohet skema për pensionet”, Malaj: Sa të

Ministri i Financave, Petrit Malaj, ka mbajtur fjalën e tij në konferencën përmbyllëse të misionit të FMN-së në Shqipëri, ku ka folur edhe për bonusin për pensionistët. Malaj tha se qeveria shqiptare po rikonstrukton skemën për rritjen e pensioneve.

Ai shtoi se teksa bëhen vlerësime të kësaj skeme, është menduar që të veprohet mbi bazën e bonuesve. Ministri shpjegoi se bonusi do të jetë në raport me kontributet që pensionistët kanë pasur.

“Ashtu siç kemi deklaruar dhe vitin e kaluar, qeveria shqiptare po rikonstrukton këtë skemë, për të garantuar pensione më të larta për pensionistët shqiptarë. Teksa i bëjmë vlerësime skemës, kemi menduar që të veprohet mbi bazën e bonuseve, që do të shoqërohen dhe me ndryshime strukturore që do t'u bëhen pensioneve. Është menduar që e ardhura shtesë që t’u jepet pensionistëve të jetë në linjë me kontributet që kanë pasur. Ata që kanë pasur kontribute më të ulëta, do të marrin më pak se ata që kanë kontribute më shumë.”, tha ai. /CNA





Lajmet e fundit nga