100-vjetori i Bankës së Shqipërisë/ Shtypen 3 monedha përkujtimore për pavarësinë

11 Nëntor 2025, 12:29, Ekonomi CNA

100-vjetori i Bankës së Shqipërisë/ Shtypen 3 monedha

Banka e Shqipërisë kremton 100-vjetorin e krijimit të institucionit duke shtypur një seri prej tri monedhash përkujtimore me tematikë “100-vjetori i shpalljes së Pavarësisë”.

Kjo seri vjen në nderim dhe përkujtim të gjithë frymëzimit dhe përpjekjes intelektuale, rilindase, shtetformuese, që vulosi historinë e shqiptarëve.

100-vjetori i Bankës së Shqipërisë/ Shtypen 3 monedha

Seri përbëhet nga monedha 50-lekëshe, 100-lekëshe dhe 200-lekëshe.

100-vjetori i Bankës së Shqipërisë/ Shtypen 3 monedha

Monedhë në metal të thjeshtë 50 Lekë

Në pamjen kryesore, në qendër të monedhës është vendosur shqiponja dykrenore e flamurit që u ngrit në Vlorë, e vendosur në marrëdhënie të drejtpërdrejtë me një element bashkëkohor. Vitet 1912-2012 vijnë të shkruara në formën e numrave digjitalë, për të sjellë në të tashmen rëndësinë e kësaj ngjarjeje të madhe.

Në hark sipër është shkruar “100 VJET PAVARËSI” dhe në hark poshtë, vlera emërore e monedhës 50 lekë. Në të dyja anët në hark të monedhës është vendosur shqiponja. Në pamjen e pasme të monedhës, zë vend skulptura simbolike me dy duar të bashkuara fort me njëra-tjetrën, e cila është përdorur me qëllim përçimin e mesazhit të mëvetësisë dhe shkëputjes nga varësia ndër vite nga shtetet e tjera. Në anë të veprës është vendosur titulli i skulpturës “Besëlidhja”, si dhe është shkruar edhe emri i skulptorit të kësaj vepre, Asim Lokaj.

Në harkun sipër shkruhet “SHQIPËRI - ALBANIA” ndërsa në hark poshtë është vendosur viti jubilar i kësaj ngjarjeje të rëndësishme historike, për mbarë shqiptarët, viti 2012. Në të dyja anët, në hark të monedhës është vendosur shqiponja dykrenore.

100-vjetori i Bankës së Shqipërisë/ Shtypen 3 monedha

Monedhë argjendi 100 Lekë

Në pamjen kryesore, në qendër të monedhës është vendosur shqiponja dykrenore e flamurit që u ngrit në Vlorë. Nën të është shkruar në reliev vlera emërore 100 lekë. Ka të shkruar në hark sipër “28 nëntor 1912” dhe në hark poshtë “100 VJET PAVARËSI”, të vendosura në drejtim vertikal. Në një rreth imagjinar janë vendosur 100 yje të vegjël që mbyllin realizimin e vizatimit. Në pamjen e pasme, monedha ndahet në dy rrathë. Në pjesën qendrore të saj ka të vendosur Aktin e Pavarësisë. Në rrethin e dytë ka të shkruar në hark sipër “SHQIPËRI - ALBANIA 2012” dhe në hark poshtë “AKTI I SHPALLJES SË PAVARËSISË”. Në një rreth janë vendosur 100 yje të vegjël që mbyllin realizimin e vizatimit.

100-vjetori i Bankës së Shqipërisë/ Shtypen 3 monedha

Monedhë ari 200 Lekë

Në pamjen kryesore, në qendër të monedhës është vendosur shqiponja dykrenore e flamurit që u ngrit në Vlorë, në 28 nëntor 1912. Nën të është shkruar vlera emërore 200 lekë. Të dyja së bashku japin idenë sikur janë mbështetur mbi kangjellat e ballkonit të ndërtesës ku ka qëndruar qeveria e Ismail Qemalit dhe sot shërben si Muzeu Kombëtar i Pavarësisë. Mbi kokën e shqiponjës janë shkruar fjalët “100 VJET PAVARËSI” e mbi to, gjendet një motiv, stilizim i xhufkave (thekëve) që rrethonin flamurin si kornizë. Në pamjen e pasme, në qendër të monedhës është vendosur portreti i Ismail Qemalit, poshtë portretit emri i tij. Në të dyja shpatullat e portretit qëndrojnë vitet 1912 dhe 2012, viti i ngritjes së flamurit në Vlorë dhe ai që shënon 100-vjetorin e pavarësisë. Si një aureolë, mbi kokë shkruhen me germa kapitale fjalët “SHQIPËRI - ALBANIA” e mbi to gjendet i përsëritur, motiv i stilizuar i xhufkave (thekëve), që rrethonin flamurin si kornizë./CNA

100-vjetori i Bankës së Shqipërisë/ Shtypen 3 monedha