web counter
LEXO PA REKLAMA!

SHKARKO APP

App Store
Google Play

E fundit!

x

Inflacioni bazë u rrit për të dytin muaj radhazi në gusht

12 Shtator 2024, 07:32, Ekonomi CNA

Inflacioni bazë u rrit për të dytin muaj radhazi në gusht

Inflacioni bazë u rrit përsëri lehtë të lehtë në muajin gusht. Sipas informacionit Bankës së Shqipërisë, inflacioni bazë arriti në 2.37%, nga 2.29% që kishte qenë në muajin korrik.

Megjithatë, me bazë vjetore inflacioni bazë ngelet në rënie të ndjeshme. Në të njëjtën periudhë të vitit të kaluar inflacioni bazë shënonte nivelin 4.17%.

Inflacioni bazë u rrit për të dytin muaj radhazi, duke sinjalizuar ndoshta presione të pritshme në rritje mbi çmimet e shërbimeve në ekonomi, në veçanti të shërbimeve të lidhura me turizmin. Sektori turistik edhe këtë vit është përballur me kosto të larta të punës, që pjesërisht kanë vazhduar të ushtrojnë trysni rritëse mbi çmimet.

Inflacioni bazë llogaritet nga Banka e Shqipërisë për një grup mallrash dhe shërbimesh që zënë 69% të peshës në shportën e përgjithshme të Indeksit të Çmimeve të Konsumit. Inflacioni bazë përjashton ato produkte që zakonisht kanë luhatshmëri të lartë, kryesisht produktet ushqimore dhe ato energjetike. Qëllimi i llogaritjes së inflacionit bazë është ta zhveshë rritjen e përgjithshme të çmimeve nga luhatjet me natyrë më afatshkurtër. Në veçanti, inflacioni bazë tenton të vlerësojë presionet e brendshme inflacioniste mbi inflacionit, që në vitet e fundit kanë ndikuar shumë prej rritjes së kostos së punës të bizneseve.

Megjithëse për momentin në përmasa të vogla, gjatë dy muajve të fundit inflacioni bazë ka lëvizur në drejtim të kundërt në raport me inflacionin total, që për muajin gusht zbriti në nivelin 2% dhe preku një nivel të ri minimal për tre vitet e fundit. Inflacioni është ulur kryesisht falë frenimit të rritjes së çmimeve të ushqimeve, rënies së çmimeve të karburanteve dhe lekut të fortë në kursin e këmbimit valutor.

Inflacioni bazë u rrit për të dytin muaj radhazi në gusht
Burimi: Banka e Shqipërisë

Ndërkohë, elementi më i qëndrueshëm i inflacionit në muajt e fundit ka shfaqur rritje të lehtë, që mund të jetë një tregues se presionet e brendshme inflacioniste në ekonomi nuk kanë frenuar plotësisht.

Bankat qendrore, duke përfshirë edhe Bankën e Shqipërisë, ndodhen para dilemës nëse duhet të vazhdojnë me uljen e normave të interesit më tej gjatë këtij viti.

Rezerva Federale amerikane pritet që këtë muaj të ulë për herë të parë normën bazë, pas një cikli shtrëngues dyvjeçar. Të dhënat e fundit mbi rritjen ekonomike dhe punësimin në Eurozonë e duket se kanë rritur gjithashtu gjasat për një ndërhyrje të dytë lehtësuese gjatë këtij viti edhe nga Banka Qendrore Europiane.

Në rastin e Shqipërisë, niveli i inflacionit duket se krijon hapësira për një ulje të mëtejshme, por rritja e komponentit të tij bazë dhe shqetësimet e shtuara lidhur me zgjerimin e shpejtë të kreditimit të ekonomisë janë faktorë që mund të diktojnë një qasje më të kujdesshme dhe mbajtjen e normës bazë të interesit në nivelin aktual prej 3%. Mbledhja e ardhshme e Këshillit Mbikëqyrës të Bankës së Shqipërisë për vendimmarrjen e politikës monetare do të zhvillohet më datë 2 tetor./ Monitor.al





Lajmet e fundit nga