web counter
LEXO PA REKLAMA!

SHKARKO APP

App Store
Google Play

Gent Sejko: Inflacioni që ka rënë në nivelin e 4.1%

27 Tetor 2023, 12:40, Ekonomi CNA
Gent Sejko: Inflacioni që ka rënë në nivelin e 4.1%
Guvernatori i Bankës së Shqipërisë, Gent Sejko

Guvernatori i Bankës së Shqipërisë, Gent Sejko, ka bërë një raportim, në një konferencë me gazetarët, për ecurinë e ekonomisë gjatë këtij viti.

Sejko tha se ecuria ekonomike ka qenë e mirë, inflacioni ka rënë në nivelin e 4.1%, sektori bankar është shfaqur rezistent dhe borxhi i huaj ka rënë.

“Ecuria e ekonomisë shqiptare gjatë vitit të fundit ka qenë pozitive, sidomos në një kontekst global sfidues. Kjo ecuri është e prekshme në disa drejtime, së pari në rritjen e pandërprerë të aktivitetit ekonomik, të punësimit dhe pagave që kanë përmirësuar gjendjen financiare të familjeve dhe bizneseve shqiptare.

Së dyti, në reduktimin e ndjeshëm të inflacionit nga nivelet e larta të një viti më parë. Inflacioni që ka rënë në nivelin e 4.1% në majin shtator të këtij viti, krahasor me 8.3 % që ishte në tetor të vitit 2022. Kjo ecuri tregon në progres të rëndësishëm në drejtim të arritjes së stabilitetit të çmimeve, ndonëse mbetet ende rrugë në mbërritjen e destinacionit sipas synimit të politikës monetare.

Së treti, në qëndrueshmërinë e sektorit bankar që paraqet tregues të stabilizuar, apo përmirësim të kapitalit, likuiditetit dhe përfitueshmërisë. Sektori bankar ka vijuar të afrojë fondet e nevojshme për rritjen e konsumit dhe investimeve, duke u kujdesur që të ruajë edhe kursimet e familjeve shqiptare. Ky sektor shfaqet rezistent edhe ndaj situatave të mundshme të stresit.

Së katërti, në përmirësimin e pozicionit të jashtëm të vendit të pasqyruar në ngushtimin e deficitit të llogarisë koherente dhe rënien e borxhit të huaj. Ky zhvillim pasqyroi rritjen e aktivitetit turistik dhe nivelet e larta të investimeve direkte.

Së fundmi, në përmirësimin e pozicionit fiskal të pasqyruar në rënien e deficitit buxhetor dhe rënien e borxhit publik. Ecuria pozitive e ekonomisë ka reflektuar fleksibilitetin e sektorit privat, shëndetin e tij financiar si edhe reagimin e duhur të politikave tona ekonomike”, u shpreh ai.

Guvernatori deklaroi se efektet e deritanishme të politikës sonë monetare janë të inkurajueshme.

“Shqipëria ka pasur dhe vazhdon të ketë një ndër normat më të ulëta të inflacionit dhe normat më të larta të rritjes ekonomike në rajon. Perspektivat e zhvillimit të vendit mbeten pozitive.

Parashikimet tona sugjerojnë se ekonomia do të vazhdojë të rritet gjatë viteve në vijim. Ndërsa inflacioni do të kthehet në objektivin tonë prej 3% gjatë vitit të ardhshëm. Presionet e brendshme inflacioniste bazhdojnë të mbeten të larta. Banka e Shqipërisë vlerëson se duhet vazhduar reformat strukturore”, vijoi më tej Sejko./ CNA





Lajmet e fundit nga