web counter
LEXO PA REKLAMA!

SHKARKO APP

App Store
Google Play

Shefja e misionit të FMN-së, këshilla Shqipërisë/ Hapat që duhet të marrë për rritjen e ekonomisë

27 Tetor 2023, 12:04, Ekonomi CNA

Shefja e misionit të FMN-së, këshilla Shqipërisë/ Hapat

Shefja e misionit të FMN-së, Anke Weber, ka bërë disa sugjerime për të rritur ekonominë shqiptare gjatë një deklarate të përbashkët me ministrin e Ekonomisë, Ervin Mete dhe me guvernatorin e Bankës, Gent Sejko.

Weber tha se ekonomia është rritur për shkak të turizmit të lartë dhe borxhi është mbajtur nën kontroll, por lëvizjet në kursin e këmbimit shtojnë pasiguritë.

Ajo kërkoi që Shqipëria të gjejë një strategji të ardhurash afatmesme, të zbusë rreziqet fiskale, të fokusohet tek inflacioni dhe të bëjë reforma gjithëpërfshirëse.

“Patëm diskutime dhe takime shumë të dobishme me ministrin dhe guvernatorin e BSH-së. Ekonomia ka treguar qëndrueshmëri për shkak të rritjes së fortë të turizmit. Borxhi është mbajtur nën kontroll duke zbritur në nivelet e para pandemisë. Besojmë se ekonomia ka hapësirë për manovra për sektorin e turizmit dhe do të jetë motori i rritjes së ekonomisë. Perspektiva ka pasiguri të madhe dhe tensionet janë një rrezik, si dhe situata energjetike apo lëvizjet e kursit shtojnë pasiguritë. Ekziston nevoja për të ruajtur qëndrueshmërinë fiskale.

Duhet një strategji të ardhurash afatmesme, duhen shpenzime më produktive, për të mbrojtur financat publike, dhe zbutjen e rreziqeve fiskale ku përfshihen edhe PPP. Politika monetare duhet të fokusohet tek inflacioni dhe kthimi i tij në objektiv. Kursi i këmbimit i ka shërbyer mirëmbajtjes nën kontroll të inflacionit. Është koha për të bërë reforma për rritje gjithëpërfshirëse. Është bërë përparim në Reformën në Drejtësi, është lajm i mirë dalja nga lista gri e pastrimit të parave”, theksoi shefja e misionit të FMN-së./ CNA





Lajmet e fundit nga