LEXO PA REKLAMA!

SHKARKO APP

Gazetarja nxjerr shifrat: Si po investohen paratë e pista në ndërtim

17 Shkurt 2024, 14:15, Ekonomi CNA
Gazetarja nxjerr shifrat: Si po investohen paratë e pista në
Ola Xama

Gazetarja Ola Xama, në një postim në rrjetet sociale, ka bërë një analizë në lidhje me financimet në fushën e ndërtimit.

Gazetarja shprehet se gjatë vitit 2023 në total, fusha e ndërtimit, ka marrë 847 milionë euro financim nga bankat, ose vetëm 22% të vlerës që ka prodhuar.

Ajo thekson se në këtë fushë ka investim të parave të pista. 

"Depozitat bankare nga ana tjetër janë rritur me 660 milionë euro nga janari i vitit 2022 dhe me 85 milionë euro nga fillimi i vitit deri në dhjetor 2023. Konvertimet në euro kapën vlerën 12 miliardë euro, nga 6 miliardë që ka qenë mesatarja historike. Këta dalin thonë çdo ditë që këtu nuk ka pastrim të parave të pista, në asnjë fushë dhe sidomos në ndërtim. Mbase për këtë kanë të drejtë, këtu nuk ka pastrim parash por investim të parave të pista. I bie që e kanë hapur traun dhe e kanë lejuar vetë, se nuk ka mundësi mos ta kapë njeri. Vetëm të bësh analizën makro, sistemi do të klasifikonte direkt me pullë të kuqe.

Reagimi i plotë: 

Pesha e ndërtimit dhe aktivitetit të pasurive të patundshme në ekonomi ka arritur vitet e fundit në 15% të prodhimit kombëtar, sipas INSTAT.

Në vitin 2023 prodhimi i brendshëm bruto në vlerë nominale ishte 25 miliardë euro, sipas projeksioneve të Ministrisë së Financave. Pra i bie që ndërtimi dhe tregu imobiliar të kenë pasur një vlerë prej 3.7 miliardë euro.

Sipas të dhënave të Bankës së Shqipërisë, totali i kredisë për ekonominë vitin e shkuar ishte 3.1 miliard euro. Po sipas të dhënave të bankës qendrore, kredia e re për ndërtimin ishte 380 milionë euro dhe kredia e re për blerje banesash 467 milionë euro.

Në total ky aktivitet ka marrë 847 milionë euro financim nga bankat, ose vetëm 22% të vlerës që ka prodhuar.

Depozitat bankare nga ana tjetër janë rritur me 660 milionë euro nga janari i vitit 2022 dhe me 85 milionë euro nga fillimi i vitit deri në dhjetor 2023.

Konvertimet në euro kapën vlerën 12 miliardë euro, nga 6 miliardë që ka qenë mesatarja historike. Këta dalin thonë çdo ditë që këtu nuk ka pastrim të parave të pista, në asnjë fushë dhe sidomos në ndërtim. Mbase për këtë kanë të drejtë, këtu nuk ka pastrim parash por investim të parave të pista.

I bie që e kanë hapur traun dhe e kanë lejuar vetë, se nuk ka mundësi mos ta kapë njeri. Vetëm të bësh analizën makro, sistemi do të klasifikonte direkt me pullë të kuqe./CNA 

Lajmet e fundit nga