web counter
LEXO PA REKLAMA!

SHKARKO APP

App Store
Google Play

Banka e Shqipërisë ul normën bazë në 2.75%

6 Nëntor 2024, 17:10, Ekonomi CNA
Banka e Shqipërisë ul normën bazë në 2.75%
Guvernatori i Bankës së Shqipërisë, Gent Sejko

Banka e Shqipërisë ka ulur normën bazë të interesit nga 3% në 2.75%.

Lajmin e bëri të ditur guvernatori i Bankës së Shqipërisë, Gent Sejko, në një konferencë për mediat pas mbledhjes së Këshillit Mbikëqyrës.

“Këshilli Mbikëqyrës i Bankës së Shqipërisë vendosi:

- të ulë me 0.25 pikë përqindjeje normën bazë të interesit, nga niveli 3% në nivelin 2.75%;

- të ulë me 0.25 pikë përqindjeje normën e interesit të depozitës njëditore, nga niveli 2% në nivelin 1.75%;

- të ulë me 0.25 pikë përqindjeje normën e interesit të kredisë njëditore, nga niveli 4% në nivelin 3.75%.

Këshilli Mbikëqyrës gjykon se kjo lëvizje do të krijojë kushte monetare më të përshtatshme për të kontrolluar ndikimin që goditjet afatshkurtra të ofertës mund të kenë mbi inflacionin në të ardhmen. Ajo ilustron gatishmërinë e Këshillit Mbikëqyrës për të reaguar në kohën e duhur dhe në mënyrë simetrike ndaj lëvizjeve të inflacionit në kahun e sipërm dhe të poshtëm të objektivit, si dhe është konsistente me komunikimet tona të mëparshme për të ndjekur një politikë monetare të udhëhequr nga informacioni i ri”, tha Sejko.

Kujtojmë se kjo është ulja e dytë e normës bazë për këtë vit, pas uljes së parë të vendosur në fillim të muajit korrik./ CNA





Lajmet e fundit nga