E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Shtëpia e Pashko Vasës, drejtoria e Monumenteve pret shiun të ndërhyjë

2 Nëntor 2022, 22:16, Denoncim CNA

Shtëpia e Pashko Vasës

Në qershor 2022, emisioni "Stop" në "Tv Klan" trajtoi problematikën e shtëpisë së rilindasit Pashko Vasa, Monument Kulture Kategoria e Parë, mbrojtur nga shteti, tre shekuj e vjetër.

Pasardhësja Rajmonda Vasa, tregon se restaurimet e bëra në vitin 2012 dhe 2018 kanë qenë me probleme. Ajo thotë se ka vënë në dijeni ministren, Kryeministrin, por nuk ka marrë asnjë përgjigje.

Rajmonda Vasa: Është e njëjta situatë. Asnjë gjë nuk është bërë te ndërhyrja. Kanë ardhur dy punëtorë të monumenteve, po është e njëjta situatë. Asnjë gjë nuk kanë bërë. Është njëlloj sic ka qenë. Unë prandaj t’i nisa edhe njëherë fotot. Dje ka rënë shi. Dje, pra, dje.

Besara Podgorica, drejtoreshë e DRTK Shkodër, thotë se ka një projekt të miratuar, i cili do të nisë së shpejti nga puna për zëvendësimin e trarëve, tjegullave dhe ndërtimit të çatisë së re, për banesën. Sipas saj, kjo do të ndodhë brenda tetorit. Por tetori iku dhe denoncuesja thotë se asgjë nuk është bërë.

Besara Podgorica, drejtoreshë e DRTK Shkodër: Ne kemi bërë një ndërhyrje emergjente në çati me punëtorinë e mirëmbajtjes së DRKK Shkodër, ndërkohë që ka një projekt të miratuar, i cili do të nisë së shpejti nga puna, për zëvendësimin e trarëve, tjegullave dhe ndërtimit të çatisë së re, për banesën. Nisur nga situata e reshjeve dhe emergjencave dimërore, DRKK, në kuadër të parandalimit, ka bërë një ndërhyrje, jo vetëm te banesa Pashko Vasës, por edhe në katër banesa të tjera, të cilat kanë paraqitur probleme, nga situata e reshjve të rëna kohëve të fundit në qarkun e Shkodrës. Besoj se brenda tetorit është në procedurë pjesa e tenderimit dhe e konkurrimit.

Por tetori iku dhe denoncuesja thotë se asgjë nuk është bërë./ tv klan