web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet për dhunë në familje pa verifikime, OPGJ-ja mohon ato çfarë ka shkruar në procesverbal

11 Shtator 2023, 21:47, Denoncim CNA

Arrestohet për dhunë në familje pa verifikime, OPGJ-ja mohon ato

Emisioni Fiks Fare solli rastin e  një infermieri burgu nga Rrogozhina të arrestuar për dhunë në familje në mënyrë të përsëritur, pa prova.

Abdulla Ruda babai i Bukurosh Rudës tregon për gazetarët e emisionit  Fiks Fare se i kanë arrestuar djalin në mënyrë të padrejtë. “Djalin tim e kanë arrestuar për dhunë në familje në mënyrë të përsëritur madje thonë se e kapën në flagrancë, por kjo gjë nuk është e vërtetë pasi asnjëherë më parë bashkëshortja e tij nuk ka bërë kallëzime për dhunë, madje as këtë herë që janë grindur nuk e ka qëlluar djali, por ka qëlluar nusja djalin“ thotë z.Ruda

Arrestohet për dhunë në familje pa verifikime, OPGJ-ja mohon ato

Z.Ruda sqaron se ka shkuar edhe në Komisariatin e Policisë Elbasan dhe ka takuar shefa ku u ka shprehur shqetësimet e tij, por nuk është bërë asgjë, djali i tij është në paraburgim.

Fiksi solli telefonatën e Oficerit të Policisë Gjyqësore, Erion Çekrezi, që hartoi procesverbalin e arrestimit të qytetarit, me vëllain e të arrestuarit.

OPGj-ja Çekrezi pranon në telefon se i arrestuari ka shkuar vetë atë natë në komisariat, pasi është telefonuar nga policia duke hedhur poshtë faktin se policia e arrestoi në flagrancë.

Arrestohet për dhunë në familje pa verifikime, OPGJ-ja mohon ato

Gjithashtu tregon se nuk ka patur asnjëherë më parë kallëzime për të për dhunë në familje, duke hedhur poshtë kështu faktin tjetër se dhuna ishte e përsëritur. Madje sipas oficerit z.Ruda nuk duhet të kishte shkuar atë natë në komisariat edhe pse e telefonuan sepse sipas tij “Gratë të fusin brenda edhe pse më vonë del i pafajshëm”. Ai në telefonatë thotë se ka shumë raste të tilla.

Pra edhe pse asgjë nga ato që ishin shkruar në procesverbal nuk janë faktuar, qytetari shkoi në paraburgim me akuzën e dhunës në familje të përsëritur./ tch





Lajmet e fundit nga