web counter
LEXO PA REKLAMA!

SHKARKO APP

App Store
Google Play

Zgjeroi vilën te "Kodra e Diellit”/ Veliaj vendos “përbindësh” kondicioner

12 Maj 2024, 09:52, Aktualitet CNA

CNA solli një ditë më parë pamje që tregonin se si u zgjerua vila e kryebashkiakut Erion Veliaj te zona e "Kodrës së Diellit" nga një në tri kate.

Veliaj fillimisht ka marrë apartament te “Kodra e Diellit”, por më pas këtij apartamenti i ka shtuar 2 kate të tjera, gjithashtu i ka shtuar një ashensor personal të jashtëm.

Veliaj shtoi edhe papafingon. Sipas një denoncimi të gazetarit Artan Hoxha, katet dhe papafingoja u shtuan nga Veliaj gjatë fushatës elektorale. Papafingoja është bërë me soletë betoni.

Më pas aty është vendosur një "përbindësh" kondicioner industrial. Ky lloj kondicioneri me fuqi të lartë është i përshtatshëm për vende me sipërfaqe të madhe, të tilla si punishte industriale, impiante industriale, zyra, supermarkete, shkolla, magazina, etj. Ndërkohë Veliaj e ka montuar këtë në vilën që ka ngritur te “Kodra e Diellit”.

Zgjeroi vilën te "Kodra e Diellit”/ Veliaj vendos

Pasi zgjeroi sipërfaqen e banimit të tij nga 1 në tri kate, Veliaj u kujdes që kjo vilë të kishte të gjitha kushtet për të qenë luksoze. Një kondicioner me fuqi të tillë tregon se i shërben të njëjtit ambient, pra e gjithë ndërtesa është e kryebashkiakut të Tiranës.

Zgjeroi vilën te "Kodra e Diellit”/ Veliaj vendos
Banesa te "Kodra e Diellit"

Nga ana tjetër, kryebashkiaku Erion Veliaj, në një intervistë të dhënë së fundi, i hodhi poshtë këto akuza, duke pretenduar se banon me familjet e tij, aty ku ka banuar para se të merrej me politikë, ndërsa shtoi se nuk ka përfituar asnjë qindrakë nga paratë e qytetarëve.

Zgjeroi vilën te "Kodra e Diellit”/ Veliaj vendos
Banesa te "Kodra e Diellit"
Zgjeroi vilën te "Kodra e Diellit”/ Veliaj vendos
Banesa te "Kodra e Diellit"

Nuk dihet nëse kryebashkiaku zotëron leje për shtesat që ka bërë në apartament. Ajo që dihet me siguri është se në njërin nga këto apartamente jetonte më herët aktori i humorit, Gazment Paja, i cili është shpërblyer nga qeveria me statusin e investitorit strategjik./CNA





Lajmet e fundit nga