web counter
LEXO PA REKLAMA!

SHKARKO APP

App Store
Google Play

Kujt i qahet Sadushi për reformën që e bëri Gjyqtar të Lartë?

11 Maj 2024, 19:31, Aktualitet CNA

Sokol Sadushi, dje kish gjetur rastin të kërkonte prap fonde, rroga, zyra, gjyqtarë, ndihmësa bile edhe sekretare. Për ata që kanë mbetur ende pa e mësuar, Sadushi paguhet mbi 400.000 lekë (të reja) në muaj. Pa folur për makinën, shoferin dhe benefitet e tjera që ja dha vetes si EKSPERT I NIVELIT TË LARTË.

Ky Sadush Eksperti i Lartë, i cili mburret se nëse e ka shkruajtur ai vendimin nuk guxon njeri që t'a ndryshojë, pasi siguroi një vend magjistrati me 320.000 lekë (të reja) në muaj, u ankua në grup bashkë me ekspertët e tjerë të nivelit të lartë dhe e çoi rrogën në 400.000 mijë.

Pasi të ardhurat vjetore të Sadushit u bënë 4.800.000 lekë (të reja) në vit, Sadushit ju hap edhe më e shumë oreksi.

Kujtojmë që familja Sadushi ka rreth 7.000.000 lekë (të reja) të ardhura në vit, sepse edhe zonja Sadushi (me mbiemër tjetër që mos duket se punojnë të dy në një ndërmarrje), ka edhe ajo pagë preferenciale si "staf" i drejtësisë së re.

70.000 euro në vit nuk i mjaftojnë familjes Sadushi?  Po çfarë veze bëkan çdo ditë këta që tanimë i qenka rritur akoma më shumë çmimi? Sadushi dje po ankohej se stoku i dosjeve ishte rritur shumë. Dhe kërkonte magjistratë të rinj! Po kujt ja kërkonte? A e shkruajti vetë reformën?

Nëse nuk i dinte pasojat e asaj që po shkruante kur ishte ekspert i nivelit të lartë dhe tekstet e veta kalonin dorë më dorë, imagjino çfarë mbroçkullash shkruan tani që prozën e Sadushëve e lexojnë vetëm palët hallexhinj që "ju bie shorti të përzgjidhen" mes 60.000 stoqeve.

Sadushi doli dhe kërkoi ndihmësa! Po këta kujt po ja kërkon, Ramës apo Berishës?

Kërkoi ndërtesa?

Po pse nuk e dinte Sadushi, kur ktheu përmbys ligjin, që e përjashtonte nga e drejta për tu bërë magjistrat pasi u pagua si ekspert i nivelit të lartë, që godina e Gjykatës së Lartë ishte ajo ku u fut si pushtues Sadushi?

Nuk e dinte Sadushi ku binte Gjykata e Lartë?

Sadushi ka shumë punë?

Të heqi lojën e tenisit nga menyja ditore!

Fundja tenist me shall partizani në qafë sikur nuk shkon. Në kohën e Sadushit të parë, deri tek babingtoni e kishte lejuar Partia që të të përdorej raketa. (LEXO KETU)

Kujt i qahet Sadushi për reformën që e bëri Gjyqtar të

Të heqë nga programi, kafet e mëngjesit deri në 10?? e 11?? si dhe drekat restoranteve. Të marrë bukë me vete!Nëse do flisnim me fjalorin e Sadushit të parë: të flerë në zyrë qeni biri i qenit se prandaj e paguajnë.

Por mos dali si i pacipë e tu kërkojë shqiptarëve që ta paguajnë akoma më shumë.Sadushi u ankua se ish-Ekspertëve të Nivelit të Lartë, u duhen edhe sekretare. Sadushi nuk bëhet dot edhe sekretare e vetes së vet!

Këtu në fakt ka të drejtë.Nuk ka sekretare me 400.000 lek rrogë.Doli dhe u krekos Sadushi sepse çeta e tij paska ende nevojë për më shumë ushqim, veshje dhe pare.Dhe shqiptarët duhet të paguajnë urgjent sepse çeta nuk ka kohë të presë./ CNA

 





Lajmet e fundit nga