web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet kush e emëroi zyrtaren që udhëtoi me Zoton

19 Nëntor 2022, 16:03, Aktualitet CNA
Zbulohet kush e emëroi zyrtaren që udhëtoi me Zoton
Fotomontazh - Mirel Mërtiri, Damian Gjiknuri, Klodian Zoto dhe Etleva Kondi

Në dosjet e siguruara nga CNA.al, është zbuluar një udhëtim i një zyrtareje që ka udhëtuar me njerëzit e inceneratorëve.

Bëhet fjalë për Etleva Kondin, e cila ka qenë anëtarja e komisionit të dhënies së koncesionit.

Por kush e emëroi Etleva Kondin?

CNA.al ka siguruar dokumentin zyrtar të emërimit si përfaqësuese e ministrisë së Energjisë dhe Industrisë në koncesionin e inceneratorit të Elbasanit të Etleva Kondit, e cila mbante postin e drejtores së Drejtorisë së Koncesioneve, Prokurimeve, Shpronësimeve dhe Privatizimit.

Emërimi është bërë më 3 tetor të vitit 2014 dhe është firmosur nga sekretari i përgjithshëm i ministrisë së Industrisë, Koli Bele, në kohën kur këtë ministri e drejtonte Damian Gjiknuri.

Zbulohet kush e emëroi zyrtaren që udhëtoi me Zoton

Udhëtimi i Etleva Kondit me njerëzit e inceneratorëve

Kujtojmë se Kondi ka kryer një udhëtim në drejtim të Italisë me datë 26 shkurt 2016.

Por në këtë udhëtim ajo nuk ka qenë e vetme. Dy ditë pas qëndrimit në Itali, Kondi është kthyer për Rinas së bashku me Mirel Mërtirin dhe Arenc Myrtezanin, ky i fundit u emërua më pas administrator i shoqërisë koncesionare të inceneratorit të Fierit.

Zbulohet kush e emëroi zyrtaren që udhëtoi me Zoton

Sipas SPAK, paratë për biletat e avionit për Kondin dhe shpenzimet për hotelin janë paguar nga Klodian Zoto.

Pra, zyrtarja që udhëtoi me Mirel Mërtirin, me paratë e Klodian Zotos është emëruar nga Koli Bele, kur ministër i Energjisë dhe Industrisë ishte Damian Gjiknuri./ B.A. - CNA.al





Lajmet e fundit nga