“Rama po priste momentin për të na sulmuar”/ Gutieres i prerë: Do ushtrojmë presion ndaj kësaj qeverie

18 Nëntor 2022, 20:44, Aktualitet CNA

“Rama po priste momentin për të na sulmuar”/ Gutieres i

Foto ilustruese

Partnerët e Platformës së Këshillit të Europës për Siguri të Gazetarëve kanë ardhur në Shqipëri me një mision, ku kanë vlerësuar lirinë e medias dhe sigurinë e gazetarëve.

Një delegacion me përfaqësues nga shtatë organizata partnere të Platformës së Këshillit të Europës për Siguri të Gazetarëve ka zhvilluar një takim, ku në deklaratat e tyre kanë theksuar se liria e medias në Shqipëri nuk ka bërë progres.

Më tej ata shprehen se liria e medias në vend është përkeqësuar dhe se nuk ka pasur progres në gazetarinë e pavarur.

Rikardo Gutieres, sekretar i përgjithshëm i Federatës Europiane të Gazetarëve, ka thënë se kryeministri Edi Rama e ka pranuar vetë që vendi nuk ka bërë progres sa i takon lirisë së medias por sipas tij qeveria nuk merr dot vendime.

Sipas Guteires është detyra e qeverisë që të përimirësojë situatën. Më tej ai shtoi se takimi ishte shumë i tensionuar dhe se 5 minuta nga nisaj e takimit kryeministri i kishte sulmuar.

“Kryeministri Edi Rama e pranoi vetë se vendi nuk ka bërë progres sa i takon lirisë së medias, por tha se qeveria nuk merr dot veprime. Ne mendojmë se është detyra e qeverisë që të përmirësoje situatën. Bëj thirrje që qeveria të njohë anën kritike të gazetarëve pasi janë në interes të publikut. Takimi ynë ishte i tensionuar, Rama po priste momentin më të mirë për të na sulmuar. 5 minuta pasi kishte nisur takimi, na sulmoi lidhur me një fakt, kur i përmendëm raportin që kishte të bënte me pluralizmin e medias, Shqipëria është në vendet më të këqija, aty na tha si mund të na krahasoni me Turqinë, nuk keni turp. Por deri në fund ai premtoi se do ishte personi më konstruktiv lidhur me lirinë e medias. Ne e mbajtëm mend premtimin. Herën e fundit ne ishim këtu para tre vitesh ja ku jemi situata është përkeqësuar, ky është një dështim i qeverisë. Nëse Shqipëria do të futet ne BE zoti Rama e di shumë mirë që duhet të zbatojë standardet. Nëse nuk shikojmë progres ne do i themi Komisionit Europian që në Shqipëri nuk ka fare progres. Ne do ushtrojmë presion ndaj kësaj qeverie”, deklaroi ai./ CNA.al