web counter
LEXO PA REKLAMA!

SHKARKO APP

App Store
Google Play

Zbardhet vendimi i Gjykatës Kushtetuese për arrestin shtëpiak të Berishës

3 Mars 2026, 17:21, Aktualitet CNA

Zbardhet vendimi i Gjykatës Kushtetuese për arrestin shtëpiak

Gjykata Kushtetuese ka zbardhur vendimin lidhur me kërkesën e Sali Berishës, për masën e sigurisë së arrestit shtëpiak që u vendos ndaj tij nga Gjykata e Posaçme ndaj hetimeve për dosjen “Partizani”. 

Bazuar në vendimin rreth 40 faqësh, gjykatat më të ulëta janë mbështetur në të njëjtat argumente të fazës fillestare, pa paraqitur rrethana apo prova të reja që justifikonin vijimin e një mase kaq kufizuese për disa muaj dhe se një periudhe të gjatë zbatimi e arrestit në shtëpi, bazuar edhe në Kushtetutë kishte humbur funksionin e masës së sigurimit.

“Për këto arsye, Gjykata vëren se kufizimi i lirisë personale të kërkuesit me masën e sigurimit “Arresti në shtëpi” nuk mund të konsiderohet se arrin një ekuilibër të drejtë midis rëndësisë për sigurimin e zbatimit të një urdhri të ligjshëm të gjykatës dhe së drejtës për liri të tij. Për rrjedhojë, Gjykata vlerëson se periudha e qëndrimit të kërkuesit nën atë masë sigurimi nuk ka qenë në përputhje me qëllimin e vendosjes së urdhërimit të caktuar më parë nga gjykatat, i cili nuk është zbatuar prej tij. Ndërsa lidhur me qëllimin e vijimit të asaj mase sigurimi në atë fazë, Gjykata konstaton se ajo nuk lidhej më me sigurimin e mbarëvajtjes së procedimit penal, arsye për të cilat vendosen masat e sigurimit personal (shih vendimin nr. 81, datë 21.11.2024 të Gjykatës Kushtetuese), por thjesht me faktin se kërkuesi nuk kishte respektuar një urdhërim të vendosur më parë ndaj tij nga gjykatat”,-thuhet ndër të tjera në vendim./CNA

Zbardhet vendimi i Gjykatës Kushtetuese për arrestin shtëpiak





Lajmet e fundit nga