web counter
LEXO PA REKLAMA!

SHKARKO APP

App Store
Google Play

Vrau katër policë/ Dritan Dajti kërkon lirinë, nuk lejohet të jetë i pranishëm në seancë

11 Korrik 2024, 11:43, Aktualitet CNA
Vrau katër policë/ Dritan Dajti kërkon lirinë, nuk lejohet
Dritan Dajti

Të enjten ka nisur në Gjykatën e Posaçme seanca gjyqësore ndaj Dritan Dajtit. Ky i fundit nuk është i pranishëm në sallë për arsye sigurie, por do ta ndjekë atë "online" nga burgu i Peqinit. 

Ndërkohë avokati i tij u shpreh se priste që Dajti të ishte i pranishëm. "Klienti im është i shqetësuar pse nuk është lejuar prania e tij në gjykatë", u shpreh ai. 

Më 5 korrik, Dritan Dajti kërkoi lirimin nga burgu, me pretendimin se ka përfunduar dënimin.

Dajti iu drejtua me një kërkesë gjykatës përmes avokatit të tij, e cila ka ardhur pasi Gjykata e Lartë vendosi në qershor që të rikthejë dënimin me burgim të përjetshëm për të pas një sage gjyqësore 15-vjeçare. 

Vendimi u mor nga trupa gjykuese e përbërë nga Ilir Panda, Sandër Simoni dhe Artur Kalaja.

Kujtojmë se Dritan Dajti është dënuar nga Gjykata e Shkallës së Parë me burgim të përjetshëm për vrasjen e 4 efektivëve: Kastriot Feskaj, Altin Dizdari, Sajmir Duçkollari dhe Fatos Xhani.

Ngjarja u shënua më 7 gusht të vitit 2009, në Durrës, gjatë një operacioni për arrestimin e tij.

Por, në shkurt të vitit 2019 Gjykata e Apelit e Krimeve të Rënda pranoi kërkesën e Dajtit për gjykim të shkurtuar duke caktuar ndaj këtij të fundit 25 vite burg. 

Më pas ky vendim u ankimua nga Prokuroria e Apelit e Krimeve të Rënda./CNA





Lajmet e fundit nga