web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e biznesmenit/ Dervishi: U dyshua për trafik kokaine, i vëllai pjesë e grupit të Alibejt

1 Dhjetor 2025, 21:42, Aktualitet CNA

Vrasja e biznesmenit/ Dervishi: U dyshua për trafik kokaine, i vëllai

Gazetari Ferdinand Dervishi ka zbuluar të dhëna të reja mbi të shkuarën dhe jetën e biznesmenit të vrarë në atentatin e së dielën në Elbasan.

I ftuar në “Të paekspozuarit”, Dervishi tregoi se katër vite më parë, në banesën e biznesmenit ishte kryer një kontroll për dyshime për trafik kokaine dhe i ishte gjetur një armë.

Sipas gazetarit, Mëhalla ishte vëllai i një të arrestuari në Itali në një maksioperacion si pjesë e grupit të Alibejt.

“Mond Mëhalla ka dy biznese të njohura, një pikë karburanti dhe një kompani taksish në Elbasan. Është i vëllai i Aldo Mahallës, i cili është arrestuar në Itali në vitin 2013 në një maksioperacion në zonën e Astit, një nga operacionet më të mira të policisë italiane, në qendër ishte grupi i Alibejt.

Vëllai është me precedentë, po dhe vetë ky nuk është se është jashtë kësaj. Në vitin 2021 është bërë një kontroll në banesë nën dyshimin se merrej me tregti kokaine dhe i kanë gjetur një armë. Është arrestuar, por nëna vet e merr pronësinë e pistoletës dhe thotë që arma është e tim shoqi që ka vdekur dikur, dhe unë se s'dija gjë për ekzistencën e saj në shtëpi.

Kohët e fundit raportohet që nuk ka qenë i shqetësuar, nuk ka treguar se ka qenë i shqetësuar. Ka qenë një njeri i qetë në punë të vet. Kemi parasysh që grupi Alibej është përplasur fort në Elbasan me Çopjat dhe me Çelën.

Përplasja ka qenë për vjedhjen e një sasie prej 50 kilogramësh kokainë.

Çopjat i jepnin Nuredin Dumanit dhe kjo është e zbardhur në këto biseda 2 milionë euro për Alibejn. Është e shkruar kjo, 2 milionë euro, që ta hedhësh në erë gjithë pallatin e tij. Pra gjithë pallati, çfarë ka 200-300 vetë, le të vdesin mjaft të vdesë ai. Kjo është në përgjime.

Pistat janë të gjitha të hapura, që nga problemet e biznesit, që nga problemet në përplasje për trafikun e drogës”,-tha Dervishi./CNA

 





Lajmet e fundit nga