E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Ndihmoi në fshehjen e gjurmëve të vrasjes së Ilaria Sulës/ Jepet dënimi për nënën e të riut filipinas

1 Dhjetor 2025, 09:08, Aktualitet CNA

Ndihmoi në fshehjen e gjurmëve të vrasjes së Ilaria

Nosr Manlapaz, nëna e të riut që vrau 22-vjeçaren shqiptare, Ilaria Sulën, është dënuar me dy vjet burg. Manlapaz akuzohet se ndihmoi të birin për fshehjen e gjurmëve të krimit dhe trupit të viktimës.

Në fund të seancës gjyqësore, nëna e Samson-it ra dakord për një marrëveshje pranimi fajësie me dy vjet burg dhe kështu gjyqtarja Paola Petti i dha Manlapaz dënimin me kusht.

Pas këtij vendimi ka reaguar edhe familja e së resë shqiptare, ku u shprehën të zhgënjyer nga ajo që ata e cilësuan vendim të padrejtë.

“Për ne, kjo nuk është drejtësi. Ne u shkatërruam nga ajo që pamë dhe dëgjuam, një gjyq që zgjati vetëm pesë minuta. Një person që pastroi litra gjak të vajzës sime, që ishte hedhur në tualet… Për ne, kjo nuk është drejtësi”, u shpreh Flamur Sula, babai i Ilarias.

Ndërkohë gjyqi për të riun filipinas, Mark Samson, do të rifillojë më 9 dhjetor.

Kujtojmë se trupi i Ilaria Sulës u gjet brenda një valixheje të madhe në fund të një shkëmbi në një zonë pyjore në Poli, disa muaj më parë.

Ajo dyshohet se është goditur me thikë brenda një apartamenti në Romë nga i dashuri i saj filipinas. 23-vjeçari dyshohet se më pas e ka futur trupin e viktimës brenda një valixheje dhe e ka dërguar në një zonë pyjore në Poli.

Mark Samson, raportohet se ka qenë i riu që dërgoi efektivët në zonën ku u gjet trupi i Ilarias, e cila studionte në Universitetin Sapienza në Romë.

Ai është arrestuar me akuzën e vrasjes me dashje, si edhe fshehjes së kufomës. Tabulatet e celularit të viktimës kanë nxjerrë zbuluar 23-vjeçarin, i cili përdori telefonin e studentes shqiptare për të shkëmbyer mesazhe, si edhe për të publikuar postime në rrjetet sociale të Ilarias. /CNA