web counter
LEXO PA REKLAMA!

SHKARKO APP

App Store
Google Play

Votimi për imunitetin e Ballukut/ Zhulali: Në reagimet e ndërkombëtarëve ishin dy mesazhe

12 Mars 2026, 18:54, Aktualitet CNA

 Votimi për imunitetin e Ballukut/ Zhulali: Në reagimet e

Ekspertja e çështjeve ndërkombëtare, Ilda Zhulali ka komentuar mbrëmjen e sotme reagimin e ndërkombëtarëve pasi në seancën e sotme plenare u rrëzua kërkesa e SPAK për heqjen e imunitetit të deputetes Belinda Balluku.

E ftuar në “Task Force” në Syri Tv, Zhulali tha se në reagimet e tyre ishin dy mesazhe. Ndër të tjera ajo tha se votimi i sotmë do të ketë pasojë në procesin e integrimit të Shqipërisë në Bashkimin Europian.

“Përgjigja në fakt i ka ardhur nga ata që kanë qenë sponsorët kryesorë dhe që janë marrë drejtpërdrejt me reformën në drejtësi. Po të shikosh dhe listën e vendeve, janë edhe ato vende që janë tek pjesa e operacionit ndërkombëtar të monitorimit dhe përgjigja e tyre i erdhi në bllok. Ai i sfidoi hapur duke thënë që për ne vija e kuqe është mosdorëzimi i Belindës, për të mos arritur tek Rama. Dhe të njëjtin reagim mori nga vendet e BE-së. Përgjigja erdhi në bllok, ajo që erdhi në bllok ishin dy mesazhe. E para që çështja e Belinda Ballukut konsiderohet çështje e korrupsionit. Dhe e dyta është që kjo ishte një vije e kuqe e cila nuk do të kalojë pa pasoja. Ato fjalitë pastaj që kanë atë formën e vet, nuancat burokratike që ne do të mbajmë shënim, ne do të punojmë, do të vazhdojmë të mbështesim Shqipërinë në procesin e anëtarësimit, por ky është një kusht, lufta kundër korrupsionit, pra është një kusht për procesin e anëtarësimit të Shqipërisë. Këto janë pastaj mesazhe të ndryshme që duan t'i thonë Edi Ramës që ti sot kalove vijën e kuqe. Dhe që tani e tutje ai do të ketë pasoja që do të shprehet në forma të ndryshme në BE”, u shpreh Zhulali. /CNA





Lajmet e fundit nga