web counter
LEXO PA REKLAMA!

SHKARKO APP

App Store
Google Play

"Vodhën lekët e inceneratorëve, por plehrat digjen si në Mesjetë"/ Korreshi publikon pamjet e katastrofës mjedisore

29 Prill 2026, 10:40, Aktualitet CNA

Deputeti i PD-së, Saimir Korreshi, ka denoncuar një situatë alarmante në fshatin Çermë Sektor në Divjakë.

Në videon e postuar në rrjetet sociale, Korreshi shprehet se një zonë e tërë është kthyer në një landfill të hapur ku mbetjet jo vetëm depozitohen, por edhe digjen, duke shkaktuar ndotje masive dhe rrezik për shëndetin publik.

Sipas Korreshit, ky vend shërben si pikë grumbullimi dhe asgjësimi ilegal të plehrave, duke krijuar një vatër të rrezikshme ndotjeje. Deputeti shton se lëngjet toksike që rrjedhin nga djegia e mbetjeve përfundojnë në një kanal kullues aty pranë.

Ky ujë i kontaminuar, siç theksohet nga deputeti në denoncim, përdoret më pas për ujitjen e tokave bujqësore në të gjithë zonën.

Kjo praktikë ngre një shqetësim të madh për sigurinë ushqimore, pasi substancat e rrezikshme mund të kalojnë lehtësisht në produktet bujqësore dhe më pas në tryezat e konsumatorëve.

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

“Për në fshatin Çermë Sektor. Tani do t'ju tregojmë të gjithë këtyre landfillin Çermë Sektorit. Landfill. Shikoni shenjat e djegies, ku hidhen plehrat dhe këtu digjet. Landfill. Shikoni shenjat e djegies. Kape një çikë, të gjitha shenjat e djegies. Këtu digjen plehrat. Këtu digjen të gjitha plehrat e kësaj. Urdhëro! Shiko si i ke akoma dhe plus djegies, shenjat e djegura. Pasojat e landfillit kalojnë këtu poshtë. I shikoni pasojat e djegies, landfillit, plehrave, dynjasë, se çfarë derexheje kalojnë në këtë ujë. Ky ujë hyn në bujqësi për të vaditur gjithë këtë zonë dhe ky ujë, të nderuar shqiptarë, vjen në ushqimet tona pastaj. Falë landfillit bërë nga bashkia Divjakë, të organizuar, të mirëorganizuar nga bashkia Divjakë në këtë vend. Urdhëro skandalet”, shprehet Korreshi. /CNA





Lajmet e fundit nga