web counter
LEXO PA REKLAMA!

SHKARKO APP

App Store
Google Play

Beqaj nuk del nga kutia e xhamit/ Ja e vërteta e vendimit të gjykatës

28 Prill 2026, 18:25, Aktualitet CNA

Beqaj nuk del nga kutia e xhamit/ Ja e vërteta e vendimit të

Sot, GJKKO ka dhënë një vendim në lidhje me ish-ministrin e Shëndetësisë, Ilir Beqaj, që ai të ulet me avokatin gjatë zhvillimit të seancës gjyqësore ndaj tij. Mediet e pushtetit, të paguara nga para inceneratorësh, skandalesh, aferash, të dosjes 5D dhe të paguara nga reklamat e vëllait të kryebashkiakut të Tiranës, Arbër Veliaj, kanë reklamuar se ka një vendim, u hoq kafazi, siç e quajnë ata ndarjen prej xhami. Propagandë si gjithmonë: merret qimja dhe bëhet tra, për disa interesa e halle të tjera. 

Në fakt, e vërteta është krejt ndryshe.

Ilir Beqaj ka dy çështje në GJKKO dhe çështja për të cilën ka vendosur sot kjo gjykatë ka masë sigurie vetëm “Detyrim paraqitje”. Ndërsa masën e “Arrestit me burg” e ka për një tjetër çështje.

Për ta thjeshtuar: Ilir Beqaj me dy çështje në gjykim në GJKKO. Njërën e ka me masë sigurie të thjeshtë, pra detyrim paraqitjeje. Tjetrën e ka me masë sigurie arrest në burg. Për çështjen e cila është me detyrim paraqitje, e cila nuk ka dhe shumë dëshmitarë dhe nuk rrezikon, nuk ka problematika. Gjykata, duke qenë se masa e arrestit nuk është dhënë nga kjo trupë gjykuese për këtë çështje, por nga një trupë gjykuese tjetër për një tjetër çështje, ka vendosur që të dalë jashtë kutisë së xhamit.

Përtej pretendimeve se u hoq kutia e xhamit apo kafazi, siç e quajnë, edhe çfarë thuhet në mediat e propagandës të pushtetit, e vërteta është që Ilir Beqaj do të qëndrojë jashtë kafazit në çështjen e “Sterilizimit”. Sepse për këtë çështje ka masë sigurie “Detyrim paraqitje”.

Kurse për çështjen tjetër, abuzimi me fondet e SASPAC, për të cilën ka masë sigurie arrest me burg, do të qëndrojë brenda kutisë së xhamit.

Ky është vendimi i GJKKO-së. Nuk ka një heqje të kutisë së xhamit dhe nuk do të dalin jashtë të gjithë nga kutia e xhamit. Është thjesht dhe vetëm një gënjeshtër e propagandës. Për një çështje me një masë sigurie të ulët, nuk shkon në kutinë e xhamit.

Siç është për shembull i pandehuri Plarent Ndreca, kur shkon në GJKKO rri jashtë, nuk rri në kutinë e xhamit se nuk është i arrestuar, ndiqet në gjendje të lirë.

Dhjetëra persona të tjerë të cilët po gjykohen dhe janë me akuzë, por kanë masa të buta sigurie, qëndrojnë jashtë kutisë së xhamit.

Personat e arrestuar, që kanë elementë të tjerë sigurie apo rrezikshmërie apo çështje për të cilat janë arrestuar, qëndrojnë në kutinë e xhamit. Personat që ndiqen në gjendje të lirë apo me masa të buta sigurie, qëndrojnë jashtë kutisë së xhamit. Ky është vendimi i sotëm për Ilir Beqaj, që i përfshin të dyja rastet, asgjë më shumë sesa kaq./CNA





Lajmet e fundit nga