web counter
LEXO PA REKLAMA!

SHKARKO APP

App Store
Google Play

Atentati në Lezhë/ Eksperti: Numri i autorëve mund të shtohet, varet nga vijimi i hetimeve

28 Prill 2026, 21:22, Aktualitet CNA

Atentati në Lezhë/ Eksperti: Numri i autorëve mund të

Eksperti i kriminalistikës, Ervin Karamuço analizoi sot detajet e reja pas gjetjes së makinës së autorëve të atentatit të ndodhur në Balldren të Lezhës.

I ftuar në emisionin “Now”, Karamuço theksoi se pavarësisht se deri më tani flitet për tre autorë, mund të shtohen në numër, bazuar në vijimësinë e hetimeve.

Sipas ekspertit, veshjet dhe pajisjet e gjetura brenda automjetit, që përmbajnë elementë ADN-je të autorëve, do të jenë një burim i vlefshëm provash materiale për të dokumentuar ngjarjen.

“Deri më tani po flitet për 3 autorë. Mbase numri mund të shtohet nga hetimet në vijim. Një prej makinave, që ia ka bërë shumë të lehtë edhe policisë, ishte marrë me qira diku në Rinas. Kishte edhe GPS. Sado që këtë ishin munduar ta deaktivizonin, prapë, makina u identifikua. Janë gjetur profilet e ADN-së, pajisjet që mendoj se do të përbëjnë prova të vlefshme për hetimet. Me sa kuptoj, dy nga ata kanë qenë pjesëmarrës në kuptimin e burrërisë, e kanë shoqëruar autorin. Ai që ka shtënë, siç ka dyshime edhe policia, është personi që është në kërkim. Ata duhet ta kenë ditur që në makinë ishte edhe një grua, edhe pse makina ishte me xhama të zinj. Mund ta kishin shmangur, por ka qenë në krahun anësor dhe gjithë trajektorja e plumbave sigurisht që do të përshkruante edhe bashkëshorten”,-tha Karamuço./CNA

 





Lajmet e fundit nga