E fundit!

22:39 Aktualitet

“Të thotë ku i ka gjetur lekët”/ Gazetari ngre dyshime për pasuritë e Ramës

Gazetari Armand Shkullaku u shpreh sot me nota dyshimi lid...

Video e bujshme e Princ Lekës dhe Elia Zaharias/ 144 aktorët kërkojnë fshirjen e saj, firmosin peticionin

9 Mars 2024, 16:35, Aktualitet CNA

Video e bujshme e Princ Lekës dhe Elia Zaharias/ 144 aktorët

144 aktorë të njohur shqiptarë kanë firmosur një peticion dhe ku kërkojnë Autoritetit të Mediave Audiovizive fshirjen e videos së dhunës mes aktores Elia Zaharia dhe Princ Lekës.

Në peticion shkruhet se prej 48 orësh po shohin se si i bëhet gjyqi një gruaje, një nëne, një artsiteje, një aktoreje e cila po përballet me një situatë të vështira familjare.

“Video e bërë publike ku duket aktorja Elia Zaharia, që po ushqen me klikime portale e disa media, kërkon me urgjencë reagimin e AMA-s institucionit që ka përgjegjësi të plotë për fshirjen dhe bllokimin e saj”, thuhet ndër të tjera në peticionin drejtuar AMA-s.

“Kemi 48 orë që shohim sesi po i bëhet një gjyq publik një gruaje, një nëne, një artisteje, një aktoreje, që po përballet me një periudhë të vështirë familjare.

Kush prej jush që po e lexon këtë shënim nuk ka provuar të shohë veten në një moment dobësie, konflikti, apo nuk ka thënë një fjalë më shumë, kush prej jush nuk është lënduar, zhgënjyer nga ai që ka dashur më shumë, le të hedhë gurin e parë!

Video e bërë publike ku duket aktorja Elia Zaharia, që po ushqen me klikime portale e disa media, kërkon me urgjencë reagimin e AMA-s institucionit që ka përgjegjësi të plotë për fshirjen dhe bllokimin e saj.

Shoqëria e internetit është tashmë një shoqëri e kontaminuar dhe që askush nuk ka kontroll mbi të, por do t’ju luteshim si njerëz, secili individualisht ta fshijë një koment negativ, dhe kështu, pikë-pikë mund të jemi duke kontribuar për një shoqëri më të mirë.

Nesër mund të jesh ti protagonisti i kësaj fushate të cënimit të privatësisë dhe imazhit!

Megjithë këtë baltë komentesh të hedhur mbi një grua, falenderojmë të gjithë ata që nuk janë bërë pjesë.

Është e thjeshtë të jesh spektator duke parë dhimbjen dhe jetën e tjetrit, por le të bëhemi nga ky 8 MARS, aktorët e një ndryshimi për mirë!“, shkruhet në postim.

144 aktorët që kanë firmosur peticionin

Margarita Xhepa

Robert Ndrenika

Roza Anagnosti

Luiza Xhuvani

Zamira Kita

Rajmonda Bulku

Luli Bitri

Mevlan Shanaj

Natasha Lako

Vasian Lami

Marjeta Ljarja