E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Vendimi i Iliriana Olldashit për Malltezin/ Rama: Më duket çudi

24 Nëntor 2023, 15:54, Aktualitet CNA

Vendimi i Iliriana Olldashit për Malltezin/ Rama: Më duket çudi

Kryeministri Edi Rama

Kryeministri Edi Rama ka folur në konferencën për shtyp për gjyqtaren Iliriana Olldashi, e cila vendosi masën "arrest shtëpie" për Jamarbër Malltezin, një vendim, që u kundërshtua nga SPAK-u pasi sipas institucionit gjyqtarja ishte në konflikt interesi.

Rama u shpreh gjatë konferencës se nuk donte të bënte një koment specifik, por në rastin konkret i duket një çudi.

Kreu i qeverisë nënvizon faktin se SPAK-ut dhe Gjykatës duhet t'u jepet mundësia për frymëmarrje të lirë dhe nëse kjo tentohet të pengohet është diçka shumë negative.

Sipas Ramës, kjo që po bën SPAK është historike.

“Nuk dua të bëj koment specifik, dua të them diçka që SPAK-u dhe gjykata janë institucione të reja dhe kanë lindur me një vullnet shumë të madh dhe të fortë politik që çon në miratimin e reformës në drejtësi që krijoi një mbështetje shumë të fortë ndërkombëtare. Shumëkush thotë SPAK-u erdhi nga Amerika, por Amerika ishte këtu që nga '91.

Sikur SPAK të ishte një produkt që sillej me avion do kishte ardhur më parë, por SPAK-u dhe gjykata speciale erdhën vetëm nga një gjë vullneti i kësaj force që sot qeveris Shqipërinë prej një dekade.

Kjo nuk do të thotë se nuk shohim, nuk dëgjojmë, nuk diskutojmë, nuk realizojmë ashtu sikur nuk do të thotë që ne miratojmë çdo gjë që ndodh.

Por vendimi që gjithçka që është veprimi apo që hyn në sferën e kompetencës së SPAK-ut dhe gjykatës të mos komentohet është i domosdoshëm për t’i dhënë mundësinë e një frymmarrje sa më të lirë.

Një frymëmarrje që tentohet të pengohet. Nëse do të kishte një faktor pengues të kësaj frymëmarrje është tejet negative.

Në rastin konkret është diçka që më duket çudi, por e shoh në aspektin e nevojës të dëshirës që këto institucione të mos cenohen nga askush.

Ajo që po bën SPAK është historike”, tha Rama./ CNA