E fundit!

12:40 Politikë

"Projektligjet e kapitullit 17 të shtyhen për seancën e 23 korrikut"/ Propozimi i Ballës kundërshtohet nga opozita

Kreu i Grupit Parlamentar të PS, Taulat Balla propozoi që ...

U zgjodh presidente e Urdhrit të Psikologut/ Laboviti: Treska nuk më la të hyj në zyrë, sillet me arrogancë

10 Qershor 2025, 20:29, Aktualitet CNA

U zgjodh presidente e Urdhrit të Psikologut/ Laboviti: Treska nuk më

Brunilda Laboviti e cila fitoi zgjedhjet për Presidente të Urdhrit të Psikologut nuk është lejuar nga presidentja ende në detyrë Valbona Treska të futet në zyrë.

Zgjedhja e Labovitit ka sjellë debate të forta ndërsa ajo nënvizon se zgjedhja e saj është tërësisht legjitime.

Gjatë një interviste, Laboviti deklaroi se ka marrë dyfishin e votave dhe duhet të bëhej kalimi i detyrës nga Valbona Treska por kjo nuk ka ndodhur.

Sipas Labovitit, Treska sillet me arrogancë dhe mendon se Urdhri i Psikologut është shtëpia e saj.

Ajo pohon se procesi zgjedhor ka qenë i rregullt.

“Mora dyfishin e votave të kandidates tjetër. Duhej të bëhej kalimi i detyrës së kreut të Urdhrit të Psikologut. Shkova në zyrë, e telefonova zonjën Valbona Treska dhe i thashë se kam ardhur në zyrë. Zonja Treska sillet me arrogancë, duke menduar se Urdhri i Psikologut është shtëpia e saj. Procesi zgjedhor ka qenë i rregullt, anëtarët kanë qëndruar në radhë deri në orën 06.30 minuta pasdite. Nuk do ngrinte pretendime znj Treska, nëse Elona Mustafaraj do zgjidhej presidente e Urdhrit të Psikologut dhe ajo të ishte Sekretare. Ajo nuk e ka pritur që unë të fitoj bindshëm. Treska është në paligjshmëri nëse mbledh Këshillin Kombëtar”, tha Brunilda Laboviti.

Nga ana tjetër juristja Eda Grimci është shprehur se nëse nuk gjendet një zgjidhje dhe presidentja e re nuk merr detyrën, do të bëjë kallëzim penal.

“Zgjedhja e Brunilda Labovitit është legjitime, ka marrë vota sa dyfishi i kandidates tjetër. Laboviti ka marrë më tepër se 60 përqind të votave. Zgjedhja e presidentes të Urdhrit të Psikologut bëhet me shumicë të thjeshtë. Nuk ka kuorum. Presidentja e zgjedhur e Urdhrit të Psikologut duhet të hyjë në zyrë dhe presim edhe ditën e sotme. Çdo gjë që po ndodh është shpërdorim detyre dhe është mohim i së drejtës së votës, kjo është vepër penale. Nesër dorëzojmë kallëzim penal, nëse nuk gjendet zgjidhje”, tha Grimci./ CNA